Xionyoui kampa nesi tein kipia

¿Moneki nimochiuas itaixpantijkauj Jiova komo nimomachtia Biblia iniuan?

¿Moneki nimochiuas itaixpantijkauj Jiova komo nimomachtia Biblia iniuan?

Amo, amo akin mitsonchikaujkauis xikonchiua. Millones momachtiaj Biblia touan uan amo mochiuaj itaixpantijkauan Jiova. * Nemachtil ika Biblia tein tiktemakaj uelis mitsonpaleuis xikonmati toni tamachtia Biblia. Tejuatsin tikonixpejpenas toni tikonchiuas ika tein tionmomachtijtiyas, porin tisejsemej tikixpejpenaj itech katiyejua taneltokalis tipouiskej (Josué 24:15).

¿Uelis nikuis Biblia tein nikpia itech nemachtil?

Kemaj. Sayoj ke, tejuan tikuelitaj tikuiskej Traducción del Nuevo Mundo de las Santas Escrituras porin kipia tajtolmej tein amo ouij moajsikamatij. Komo tikonneki, uelis timitsonmakaskej se tein amo monekis tikonixtauas. Sayoj ke no uelis tikonkuis moBiblia. Ika tein yeski Biblia uelis tionmomachtis tein Dios motenkaua kichiuas uan keniuj uelis tionmomakixtis.

¿Keyej nanmomachtiaj iniuan taltikpakneminij maski amo mochiuaj itaixpantijkauan Jiova?

  • Tein okachi techolinia yejua netasojtalis tein tikpialiaj Jiova porin yejuatsin kineki maj tikinmatiltikan oksekin tein timomachtiaj (Mateo 22:37, 38; 28:19, 20). “Iuan titekitij Dios”, nejon se ueyi tatiochiualis uan no tikinpaleuiskej taltikpakneminij maj kimatikan tein Biblia tamachtia (1 Corintios 3:​6-9, TNM).

  • No tikchiuaj porin tikintasojtaj taltikpakneminij (Mateo 22:39). Techyolpaktia tikintapouiskej oksekin nochi tein kualtsin tein timomachtianij itech Biblia (Hechos 20:35).

^ párr. 2 Tiktemakaj miak nemachtilmej ika Biblia. Kemej neskayot, itech xiuit 2018 tikchiujkej 10,079,709 nemachtilmej ika Biblia mejmetstika uan itech se nemachtil miakej momachtijkej. Sayoj ke amo nochin akin momachtijkej moauijkej kemej itaixpantijkauan Jiova, ta sayoj 281,744 itech nejon xiuit.