Xionyoui kampa nesi tein kipia

¿Keyej itaixpantijkauan Jiova kisentokaj nechkalpanouaj ta nikiniluijya ke amo nechyolnotsa tein tamachtiaj?

¿Keyej itaixpantijkauan Jiova kisentokaj nechkalpanouaj ta nikiniluijya ke amo nechyolnotsa tein tamachtiaj?

Itaixpantijkauan Jiova tikuelitaj titajtoskej ika Biblia iuan akin yeski, hasta iniuan akin techiluianijya ke amo kinyolnotsa. ¿Keyej? Porin tiktasojtaj Dios uan oksekin (Mateo 22:37-​39). Netasojtalis tein tikpialiaj Dios techolinia maj tiktakamatikan tanauatil tein techmakak Jesús maj “titanojnotstinemikan ika in Tajtoltsin de Dios tech nochi in pueblojuani” (Hechos 10:42; 1 Juan 5:3). Yejua ika, ijkon kemej itekitikauan Dios ne uejkauj, tiksentokaj tikteixmatiltiaj tein kijtoua Biblia (Jeremías 25:4). Uan netasojtalis tein tikinpialiaj oksekin techolinia maj tikteixmatiltikan kuali tanauatilmej ika iTekiuajyo Dios, maski miakej amo kinyolnotsas, porin sayoj ijkon uelis makisaskej (Mateo 24:14).

Uan no, keman timokepaj ininchan akin amo kinyolnotsa tein titamachtiaj, miakpa tikajsij akin kemaj kineki techkakis. Porin:

  • Taltikpakneminij nemitij okseko.

  • Oksekin akin ompa nemij kinekij techkakiskej.

  • Taltikpakneminij mopataj. Tein mochiujtok itech taltikpak oso tein yejuan kipanouaj uelis kichiuas maj kiitakan ke “moneki motokiskej iuan Dios” uan maj kinekikan kimatiskej okachi toni ika tajtoua Biblia (Mateo 5:3, Traducción del Nuevo Mundo). Hasta akin techixnamikij uelis kipataskej kemej tanemiliaj, kemej kichiuak Pablo, se itekitikauj Dios (1 Timoteo 1:​13).

Sayoj ke amo keman tikinchikaujkauiaj maj techkakikan (1 Pedro 3:​15). Tikmatij ke tisejsemej moneki tikixpejpenaskej toni tikneltokaskej (Deuteronomio 30:19, 20).