TANEJMACHTIJKEJ 2026, tapoual 1 | ¿Ejkos tonal keman tinochin tiyolseujkanemiskej?
¿Ejkos tonal keman tinochin tiyolseujkanemiskej? Kemaj, sayoj ke ¿keniuj uelis mochiuas?.
¿Ueliskia tekiuanij kichiuaskej maj tinochin tiyolseujkanemikan?
Nion se tekiuaj ueli kichiua maj tinochin tiyolseujkanemikan. Sayoj toTajtsin Jehová kichiuas
¿Uelis religiones kichiuaskej maj tinochin tiyolseujkanemikan?
Religiones amo keman uelis kichiuaskej maj tiyolseujkanemikan porin yejuan kichiuaj maj miakej amo kuali mouikakan.
¿Tiyolseujkanemiskej ika tein yankuik kistok?
Nochi tein yankuik kistok amo uelis kichiuas maj oksekin amo tetauelitakanok, maj amo tenexikoluikan nion maj amo techikoitakanok. Sayoj ke onkak se taman tein kemaj uelis kichiuas maj tinochin tiyolseujkanemikan.
¿Tiyolseujkanemiskej komo onkak tomin uan tekit?
Tomin oso se kuali tekit, amo uelis kichiuas maj aksa amo moueyineki nion maj amo kinejnekiok kipias okachi. Biblia kijtoua ke uelis tiyolseujkanemiskej sayoj komo nochin kichiuaj tein Dios kineki.
¿Toni tikonnemilia ke ueliskia kichiuas maj tinochin tiyolseujkanemikan?
Miakej kinemiliaj ke tekiuanij, religiones, tein yankuik kistok oso tomin uelis kichiuas maj tiyolseujkanemikan. ¿Yekmelauj tapaleuis nejon? Itech nejin amaix Tanechmachtijkej xikonita tein kijtoua Biblia.
