Xionyoui kampa nesi tein kipia

Xionyoui kampa nesi tein kipia

Netajtanilmej tein kisaj itech Biblia

Netajtanilmej tein kisaj itech Biblia

¿Ajsis tonal keman sayoj se tekiuaj taixyekanas semanauak taltikpak?

¿Keniuj ueliskia kinsentilis akin tataman kayomej se tekiuaj semanauak taltikpak? (isaías 32:1, 17; 54:13).

Xikonnemili tein kuali tein kinualkuiliskia nochin akin kinixyekanaskia. Itech totonaluan, miakej tajyouiaj porin amo kipiaj tein ika moixpanoltiskej uan amo miakej moajsij akin tominpiaj. Se tekiuaj akin taixyekanas semanauak taltikpak uan yekmelauj kiitaskia tein kinpoloua akin kinixyekana ueliskia kinmakas tein moneki. ¿Tikonnemilia ke taltikpaknenkej uelis kiixtalis se taixyekankej ijkon? (Xikonixtajtolti Jeremías 10:23.)

Ijkon kemej panouanij xiujmej, tekiuanij amo kichiuanij miak taman tein kichiaj taltikpakneminij uan okachiok iniuan akin amo kipiaj tein ika moixpanoltiskej. Sekin taixyekananij hasta tetajyouiltiaj (Eclesiastés 4:1; 8:9). Sayoj ke, Dios akin kipia miak chikaualis motenkauani ke kiualkuis se taixyekanalis tein kiixpatas nochi okseki tekiuajyomej uan kiixtalijya se taixyekankej akin kemaj kinpaleuis akin kinixyekanas. (Xikonixtajtolti Isaías 11:4 uan Daniel 2:44.)

¿Toni kichiuas iTekiuajyo Dios?

Jiova kiixpejpenak iKonetsin, Jesucristo maj kiixyekana Tekiuajyot. Yejua akin kinamiki maj taixyekana (Lucas 1:31-33). Keman yetoya nikan taltikpak, kitemoj kinpaleuis akin iuan moajsiaj. Axkan ke se Tekiuaj, kinsentilis akin tataman kayomej uan kitamis tajyouilis. (Xikonixtajtolti Salmo 72:8, 12-14.)

¿Nochin kiseliskej Jesús kemej inintekiuaj? Amo, amo nochin. Sayoj ke Jiova amo yolijsiui (2 Pedro 3:9). Yejua ika kichia maj kipatakan inintanemilil. Amo uejkaua, Jesús kinixpolos akin amo yolkualmej uan kichiuas maj onka yekyetolis uan yeknemilis semanauak taltikpak. (Xikonixtajtolti Miqueas 4:3, 4.)