Xionyoui kampa nesi tein kipia

Xionyoui kampa nesi tein kipia

¿Toni uelis tiktayokoliskej Jiova?

¿Toni uelis tiktayokoliskej Jiova?

SE TONAL, Jesús kijtoj: “Kachi yolpaktok in tagat ten tapaleuijtinemi [...] ke ne tagat ten sayo kiselia tapaleuilis” (Hech. 20:35). Nejin mouika ika tokuali uikalis iuan Jiova. ¿Keyej tikijtouaj nejin? Yejuatsin techmakani miak taman tein kichiua maj tiyolpakikan, sayoj ke okachiok tiyolpakiskej komo tejuan no tiktayokoliaj teisa. ¿Toni uelis tikmakaskej? Itech Proverbios 3:9 moijtoua: “Xikueyitali Jiova ika tein tikpia tein kipia ipatiuj”. Itech “tein kipia ipatiuj” poui totiempo, tein tiuelij tikchiuaj, tochikaualis uan tein tikpiaj. Keman tiktekitiltiaj itech taueyichiualis tein melauak, tikmakatokej Jiova se netetayokolil, uan nejin semi techyolpaktia.

¿Toni techpaleuis maj amo tikelkauakan tikmakaskej Jiova tein tikpiaj? Tatitanil Pablo kiniluij tokniuan akin nemiaj Corinto maj kixelouanij ‘seki inintomin’ tein kitemakaskiaj kemej netetayokolil (1 Cor. 16:2). Komo tikonneki okachi tikonmatis keniuj uelis tiontapaleuis ika tomin, xikonita tein momelaua tatsintan.

Itech seki uejueyi altepemej amo ueli se tapaleuia ika tomin itech Internet. Sayoj ke, itech donate.jw.org moijtoua okseki taman kemej uelis se tapaleuis. Itech seki uejueyi altepemej, ompa moajsi se amat kampa monankilia ininnetajtaniluan miakej akin kinekij tapaleuiskej ika tomin.