Xionyoui kampa nesi tein kipia

Xionyoui kampa nesi tein kipia

¿Tikonelnamiki?

¿Tikonelnamiki?

¿Tikonixtajtoltiani ika nejmachkayot amaixmej Tanejmachtijkej tein yankuixtok kiskej? Xikonita ox ueli tikonnankilia nejin netajtanilmej:

¿Toni moneki kichiuaskej tokniuan takamej akin kipiaj se tekit, kemej takalpanouanij uan tayekananij, keman teisa kinnauatiaj itech inechikol Dios?

Moneki niman tatakamatiskej. Uelis motajtaniskej: “¿Nikinyolchikaua tokniuan maj kiixtalikan amo kikauaskej Jiova? ¿Niman niktakamati tanauatilmej?” (w16.11, página 11 uan 12).

¿Kemanian moajsikej imako Babilonia akin yekmelauj kichiuaj kemej Cristo?

Tepitsin satepan ke momikilijkej tatitanilmej, yolik peuak moajsij seki oloch takamej akin taixyekanayaj. Taneltokalis tein amo melauak uan tekiuanij peuak sentekitij uan kitemojkej maj amo kinkakinij akin yekmelauj kichiuayaj kemej Cristo, akin tamatiaj kemej trigo. Sayoj ke achto ke ajsiskia xiuit 1914, tokniuan taixpejpenalmej peuak kisaj itech taneltokalis tein amo melauak (w16.11, páginas 23 hasta 26).

¿Keyej tel tapaleuij tekit tein kichiuak Lefèvre d’Étaples?

Tepitsin satepan ke peuak xiuit 1520, Lefèvre kitajtolkepak Biblia itech tajtol francés uan ijkon nochin ueliskiaj kiixtajtoltiskej. Kemej Lefèvre kimelauak seki tajkuilolmej kinpaleuij Martín Lutero, William Tyndale uan Juan Calvino (wp16.6, páginas 10 hasta 12).

¿Toni kijtosneki se yoltanemilijtinemis “itech totalnamikilis ten kualkui tajtakol” uan itech “tamachilis ten kualkui in [y]ektikatsin [e]spíritu”? (Rom. 8:6.)

Akin ‘yoltanemilijtinemi sayoj itech talnamikilis tein kiualkui tajtakol’ sayoj tanemilia itech itanejnekilis uan nochipa ika tajtoua. Nejin teualkuilia mikilis. Akin ‘yoltanemilijtinemi sayoj itech tamachilis tein kiualkui yektikatsin espíritu’ kitayekanaltia itekiyo Dios uan momachtia tanemilis kemej yejuatsin. Kikaua maj Jiova kiyekana itanemilil ika iespíritu. Nejin teualkuilia nemilis uan yolseuilis (w16.12, páginas 12 hasta 14).

¿Toni tapaleuia maj amo semi se motekipacho?

Maj achto se kichiua tein okachi moneki, maj se kiajsikamati ke amo nochi uelis se kichiuas, maj se kiixtali tepitsin se moseuis, maj se kiita itachijchiualis Dios, maj nochipa se yolpaki, maj se kichikaua se inakayo uan maj kuali se kochi (w16.12, página 18 uan 19).

¿Toni kijtosneki keman Biblia kijtoua ke “Enoc amo kimachilij in mikilis”? (Heb. 11:5.)

Nesi ke Dios kichiuak maj amo kimachiliani ke momikilijtoyaya (wp17.1, página 12 uan 13).

¿Keyej motelnekiok maj tiknextikan yolyemanilis?

Komo tiyolyemankej kuali timoixmatiskej uan tikmatiskej ke onkak seki taman tein amo ueli tikchiuaj oso tein moneki amo tikchiuaskej. Maj tikelnamikikan ke tein tikchiuaj uelis kinijtakos oksekin uan uelis tiknemiliskej ke okachi tiueyichiuanimej ke oksekin (w17.01, página 16).

¿Toni kinextia ke Dios kinixyekanak oloch taojtokaltianij itech yekinika siglo ijkon kemej kinixyekana Oloch Taojtokaltianij axkan?

Yektikatsin espíritu kinpaleuij maj kiajsikamatinij tein tamachtia iTajtol Dios, ángeles kinpaleuijkej maj kiixyekananij tanojnotsalis uan no takuaujtamatkej itech iTajtol Dios. No ijkon panoua axkan (w17.02, páginas 24 hasta 26).

¿Toni techpaleuis maj tiktasojkamatikan inemilis Jesús tein kitemakak?

Naui taman: akoni kitemakak, keyej kitemakak, toni monekik kichiuas uan keniuj tapaleuij. Moneki titanemiliskej itech nejin (wp17.2, páginas 4 hasta 6).

¿Uelis se tokniuj kipatas tein kiixpejpenkaya?

Maski moneki tikchiuaskej tein timotenkaujkej, kemansa monekis oksepa tiknemiliskej. Keman akin nemiaj Nínive moyolnonotskej, Dios kiixtalij ke amo kinixpoloskiaok. Komo mopata tein tikpanotoyaj oso tikmatij se taman tein amo tikmatiaj, xa monekis oksepa tiknemiliskej ox kuali tein tikixpejpenkej (w17.03, página 13).

¿Keyej amo kuali yetok maj ika titajtojtinemikan se kuejmol?

Porin uelis kichiuas maj okachi ueyia se kuejmol, uan nejon tel amo kuali yeskia. Yeski melauak tein tiknemiliaj oso amo, amo kuali ika se tajtos aksa amo keman kiyektalia kuejmol (w17.04, página 19).