Xionyoui kampa nesi tein kipia

Xionyoui kampa nesi tein kipia

 TAMACHTILIS ITECH IPEUJYAN AMAIX | ¿AKONIMEJ NEMIJ ILUIKAKTSINKO?

Kemej miakej kinemiliaj ke chijchiujtok iluikaktsinko

Kemej miakej kinemiliaj ke chijchiujtok iluikaktsinko

Miakej motajtaniaj keniuj chijchiujtok iluikaktsinko uan akonimej nemij ompa, uan tataman kemej tanemiliaj. Sekin kinemiliaj ke ompa nemij ininuejkaujtatuan, akin moneki kinueyichiuaskej. Oksekin kinemiliaj ke ompa nemij akin yolkualmej tein momikilijkejya, ángeles uan ke onkak yekyetolis uan yolpakilis. No moajsij akin kineltokaj ke ompa nemij tel miak millones tiotsitsin.

Miakej kijtouaj ke amo uelis tikmatiskej akonimej nemij iluikaktsinko, porin nion akin ualpantemouani uan ijkon techtapouis keniuj chijchiujtok iluikaktsinko. Sayoj ke nejon tein kijtouaj amo melauak. Jesucristo nemik iluikak achto ke ualaskia nikan taltikpak. Uan senkis ijkon kinmatiltij tayekananij itech taneltokalis itech yekinika siglo keman kiniluij nejin: “Niualpantemok de ne eluiyaktsinko amo para nikchiuakiu tensa de nejua notanejnekilis san. Ta, niuala para nikchiutinemis ten Notajtsin Dios kimonekiltia”. Yejua ika, Jesús uelik kinmatiltij akin kitojtokayaj nejin: “Kampa ichantsin de Totajtsin Dios ongak miak kaltsitsin” (Juan 6:38; 14:2).

IPopaj Jesús yejua Jiova Dios uan “ichantsin” moajsi ompa iluikak (Salmo 83:18). Yejua ika, sayoj yejuan uelis techmelauiliskej akonimej nemij ompa. Jiova uan Jesús kichiuanij maj inintekitikauan akin amo kinkauaj kiitakan miak taman tein ika techmatiltiaj keniuj chijchiujtok iluikaktsinko.

Itech okse tamachtilis tikitaskej seki tajkuilolmej itech Biblia tein kinextiaj tein kiitakej nejon takamej ika inepaleuil Dios. Keman tikonitas xikonelnamiki ke iluikaktsinko amo kemej taltikpak, nikan ueli tikitaj uan tikmatokaj tein onkak. Yejua ika, Dios amo techmelauilia keniuj chijchiujtok iluikaktsinko ika tein amo tikajsikamatiskiaj, ta kichiuak maj amo ouij se kiajsikamati nejon tein kiitakej itekitikauan. Tikonixtajtoltis nejon mitsonpaleuis okachi kuali xikonixmati akonimej nemij itech nejon “miak kaltsitsin” ompa iluikaktsinko.