Xionyoui kampa nesi tein kipia

Xionyoui kampa nesi tein kipia

Maj timoyekpiakan

Maj timoyekpiakan

Biblia amo ika tajtoua tapajtilis. Sayoj ke, kijtoua ke moneki timoyekpiaskej. Maj tikitakan keniuj tein tayolmajxitia uelis techpaleuis maj amo semi tikokolispeuakan.

MONEKI TIMOYEKPIASKEJ

BIBLIA TAYOLMAJXITIA: “Amo aken kitauelitstinemi de yejua itakayo san. Ta, cada se tagat motasojtatinemi kuak motekipanoa uan moyekpia” (Efesios 5:29).

TEIN KIJTOSNEKI: Nejin tayolmajxitilis techelnamiktia ke moneki timoyekpiaskej. Moijtoua ke miakej kokolispeuaj porin kichiuaj seki taman tein kinijtakoua. Yejua ika, komo timoyekpiaj amo semi tikokolispeuaskej.

TEIN UELIS TIKONCHIUAS:

  • Kuali xiontakua. Xikonkua takual tein mitsonpaleuis kuali xionmoajsi. Uan no, xiontayi at tein monekis.

  • Xikonchiua seki taman tein mitsonchikauas. Akin kimachtiaj ininnakayo maj moolini, okachi kuali moajsij maski telpochmej oso xiuejkejya, maski amo kuali moajsi se taman itech ininnakayo oso maski kipiaj se kokolis tein amo pajtiok. Se mochankauj, se akin kuali iuan tionmouika oso se tapajtijkej uelis mitsonpaleuis xikonchiua seki taman tein ika tikonmachtis monakayo maj moolini. Sayoj ke, tejuatsin moneki tikonnekis tikonchiuas.

  • Kuali xionkochi. Miakej amo semi kochij porin kichiuaj okseki taman. Yejua ika, komo amo semi tionkochi uelis tionkokolispeuas. Sayoj ke, komo kuali tionkochi, okachi kuali tionmomachilis.

 MAJ AMO TIKCHIUAKAN TEIN UELIS TECHIJTAKOS

BIBLIA TAYOLMAJXITIA: “Ma tiksentokakan tichipaukanentinemikan [...] tech totakayo uan tech totalnamikilis” (2 Corintios 7:1).

TEIN KIJTOSNEKI: Okachi kuali tionmoajsis komo amo tikonchiua seki taman tein uelis mitsonijtakos kemej tachichinalis. Tel miakej okachi kokolispeuaj uan momikiliaj porin tachichinaj.

TEIN UELIS TIKONCHIUAS: Xikonixtali tonal keman amo tiontachichinasok, xikonijkuilo uan xikonilui akin tikonmati ke uelis mitsonpaleuiskej. Achto ke ajsis nejon tonal, amo xikonpiaok tein uelis kichiuas xiontachichina, kemej cigarros, tapalkat kampa tikontalia uan tein ika tikonxotaltia. Uan no, amo xionyeto iniuan akin tachichinaj.

BIBLIA NO TAYOLMAJXITIA

Komo tikonneki se Biblia, xikontajtani se itaixpantijkauj Jiova akin nemi kampa tejuatsin tionnemi

MAJ KUALI SE TAIXEJEKO

“Komo tikchijchiua se yankuik mochan, moneki tiktalis itentatsakuil kalpani, ijkon amo tiktalijtos mochan tein kichiuas maj motajtakol toyaui esti, porin aksa ompa panuetsik.” (DEUTERONOMIO 22:8.)

MAJ AMO SE YOLIJSIUI

“Akin amo yolijsiui kuali taajsikamati, sayoj ke akin yolijsiui kinextia ke amo tamati.” (PROVERBIOS 14:29.)

MAJ AMO SE TEL TAKUA

“Amo ximoajsi [...] iniuan akin kikanpetskuaj nakat.” (PROVERBIOS 23:20.)