Xionyoui kampa nesi tein kipia

Xionyoui kampa nesi tein kipia

Maj timotokikan iuan Dios

Maj timotokikan iuan Dios

Itech yekinika tamachtilis tikitakej ke miakej kijtouaj ke Biblia ika tajtoua Dios. Uan no, keman kiixtajtoltiaj uan kichiuaj tein tayolmajxitia kimachiliaj ke okachi motokiaj iuan uan okachi yolpakij.

Biblia kijtoua ke akin mokauaj maj Dios kinixyekana kuali tanemiliaj uan kuali monejnemiltiaj (Judas 18, 19TNM). Yejuan amo kitayekanaltiaj tein kinekij, ta monejnemiltiaj ika itanauatiluan Dios (Efesios 5:1).

MAJ TIKCHIAKAN TEIN KUALI SATEPAN

BIBLIA TAYOLMAJXITIA: “Komo tiyolkuetaui itech tonal keman onkak ouijkayot, amo semi tikpias chikaualis” (Proverbios 24:10).

TEIN KIJTOSNEKI: Komo timosenkauaj amo tikpiaskej chikaualis tein techpaleuis maj tikixnamikikan ouijkayomej. Sayoj ke, komo tikchiaj tein kuali satepan techpaleuis maj amo timosenkauakan porin tikmatij ke seki kuejmolmej amo uejkauaskej. No tikmatij ke maski tikpanoskej uejueyi ouijkayomej no uelis mochiuas tein kuali satepan.

TEIN UELIS TIKONCHIUAS: Xikonnemili ke satepan mochiuas tein kuali. Amo xionmotekipacho ika tein ueliskia panos satepan nion xikonchia maj senkis pano kemej tikonnemilia, ta xionmochikaua tikonchiuas tein tikonixtalijtok. Kemansa uelis panos tein amo se kimattok (Eclesiastés 9:11). Sayoj ke, miakpa, panoua seki taman tein kuali kemej amo tikchiayaj. Biblia kijtoua ke moneki tikchiuaskej kemej ijkuak tiktokaj xinach. Ompa kijtoua: “Kualkan xiktoka moxinach, uan hasta tiotak amo ximomaseui; porin amo tikmati kani kuali kisas nejin, nikan oso nepa, oso nochi ojkan kuali kisas” (Eclesiastés 11:6).

MAJ TIKTEMOKAN ITANANKILILUAN NETAJTANILMEJ TEIN OKACHI MONEKIJ

BIBLIA TAYOLMAJXITIA: “Motajtolis yejua ne yek melau tajtolis” (Juan 17:17).

 TEIN KIJTOSNEKI: Biblia kinankilia netajtanilmej tein tinochin timochiuiliaj, kemej:

  • ¿Keyej tinemij?

  • ¿Keyej titajyouiaj?

  • ¿Toni techpanoua keman timomikiliaj?

  • ¿Toni panos satepan?

Semanauak taltikpak, tel miakej okachi yolpakij porin kiitanij keniuj Biblia kinankilia nejin uan okseki netajtanilmej.

TEIN UELIS TIKONCHIUAS: Timitsonyoleuaj xikonita tein Biblia tamachtia. Uelis tikontajtanis se itaixpantijkauj Jiova maj mitsonpaleui xikonajsikamati. No uelis tikonitas página itech Internet kampa timoteixmatiltiaj jw.org, oso uelis tionyas se tonechikol. Amo motaxtaua nion motajtani tomin.

BIBLIA NO TAYOLMAJXITIA

Xikontemo jw.org uan xikonita video ¿Keyej moneki timomachtiskej Biblia?, tein moajsi itech panoua 880 tataman tajtolmej

MAJ SE KINEMILI KE MONEKI MAJ DIOS TECHIXYEKANA

“Yolpakij akin kimachiliaj ke moneki motokiskej iuan Dios.” (MATEO 5:3, TNM.)

MAJ OKACHI SE KIIXMATI DIOS AKIN IKA TAJTOUA BIBLIA

“Ximotokikan iuan Dios uan Yejuatsin no motokis namouan.” (SANTIAGO 4:8.)

MAJ SE KIIXTAJTOLTI BIBLIA UAN MAJ ITECH SE TANEMILI

“Yolpaki takat akin [...] iyolpakilis yetok itech itanauatil Jiova, * uan kiixtajtoltia Itanauatil ika tajtol amo chikauak youal uan tonal [...], uan nochi tein kichiuas kuali kisas.” (SALMO 1:1-3.)

^ párr. 23 Biblia kijtoua ke itokay Dios yejua Jiova.