Xionyoui kampa nesi tein kipia

¿Keniuj tikonita tonalmej tein uitsejok?

¿Keniuj tikonita tonalmej tein uitsejok?

¿Tikonnemilia ke nikan taltikpak...

  • ... ijkon kisentokas?

  • ... okachi motaouijkantalis?

  • ... motayektalis?

 TEIN KIJTOUA BIBLIA

“Dios [...] kinelkaualtis de ninchokilisuan [...]. Uan amo aken momikilis ok; uan amo aken mochoktis ok; uan amo aken motekipachos ok; uan amo aken yoltajyouis ok [...] porin nochi tajtamik ya de ne achtopa onkaya.” (Apocalipsis [Revelación] 21:3, 4, El Nuevo Testamento en Náhuatl de la Sierra de Puebla.)

KENIUJ TECHPALEUIA

Tikpiaskej tekit tein techualkuilis tein kuali uan techyolpaktis (Isaías 65:21-23).

Amo titajyouiskejok nion tikpiaskej kokolismej (Isaías 25:8; 33:24).

Nochipaya tinemiskej ika yolpakilis iuan tochankauan uan akin iuan kuali timouikaj (Salmo 37:11, 29).

 ¿ONKAK KEYEJ TIKNELTOKASKEJ TEIN KIJTOUA BIBLIA?

Kemaj, maj tikitakan ome:

  • Dios uelis kichiuas tein motenkaua porin kipia ueyi chikaualis. Itech Biblia, sayoj Dios motokaytia akin kipia “nochi uelilis”, ta semi ueyi ichikaualis uan amo keman tami (Apocalipsis 15:3). Yejua ika, keman yejuatsin motenkaua ke tayektalis nikan taltikpak, senkis titakuaujtamatij ke uelis ijkon kichiuas. Kemej kijtoua Biblia, “sayo Dios uelis nochi kichiuas” (Mateo 19:26).

  • Dios kinejneki kichiuas nejin tein motenkaua. Kemej neskayot, Biblia kijtoua ke Jiova kinejneki oksepa kinmakas nemilis akin momikilijkejya (Job 14:14, 15).

No kijtoua ke Jesús, iKonetsin Dios, kinpajtij akin mokokouayaj. ¿Keyej kichiuak? Porin yejua ijkon kinekia (Marcos 1:40, 41). Ika tein kichiuak, senkis kinextij ke ijkon kemej iTajtsin, kinekia kinpaleuis akin amo kuali moajsiaj (Juan 5:19).

Nejon techyekmatiltia ke Jiova uan Jesús kinekij maj tikpiakan se kuali nemilis satepan (Salmo 72:12-14; 145:16; 2 Pedro 3:9).

 XIONMOTAJTANI

¿Keniuj Dios tayektalis nikan taltikpak?

Tikonajsis keniuj tanankilia Biblia itech MATEO 6:9, 10 uan DANIEL 2:44.