Xionyoui kampa nesi tein kipia

¿Toni techpaleuis maj tiyolpakikan kemej kalyetouanij?

¿Toni techpaleuis maj tiyolpakikan kemej kalyetouanij?

¿Tikonijtoskia ke...

  • ... netasojtalis?

  • ... tomin?

  • ... oso okse taman?

 TEIN KIJTOUA BIBLIA

“Tachiochiualme [oso yolpakij] [...] ten kiyekakij in Tajtoltsin de Dios uan kitakamatij.” (Lucas 11:28, El Nuevo Testamento en Náhuatl de la Sierra de Puebla.)

KENIUJ TECHPALEUIA

Yekmelauj timotasojtaskej (Efesios 5:28, 29).

Timopoujkaitaskej (Efesios 5:33).

Titakuaujtamatiskej se iuan okse (Marcos 10:6-9).

 ¿ONKAK KEYEJ TIKNELTOKASKEJ TEIN KIJTOUA BIBLIA?

Kemaj, maj tikitakan ome:

  • Dios kichiuak maj onka nemilis kemej kalyetouanij. Biblia kijtoua ke “itech ualeua [Jiova Dios] inintokay nochi kalyetouanij” (Efesios 3:14, 15, Traducción del Nuevo Mundo). Tein kijtosneki ke moajsij kalyetouanij porin Jiova ijkon kichiuak. ¿Keyej motelneki tikmatiskej nejon?

    Xikonnemili nejin: Komo tikonmajseujtoskia se tapalol tein uelik uan tikonnekiskia tikonmatis keniuj kichijchiujkej, ¿akoni tikontajtaniskia? ¿Melauj ke akin kichijchiuak?

    No ijkon, komo tikonneki tikonmatis keniuj nanyolpakiskej kemej kalyetouanij, semi kuali komo tikontajtania Jiova, akin kichiuak maj onka nemilis kemej kalyetouanij (Génesis 2:18-24).

  • Dios kitekipachoua tein tikpanouaj. Semi kuali komo tejuatsin uan mochankauan nankitemouaj itech Biblia tein Jiova tayolmajxitia, ta yejuatsin kineki “namechyekpixtinemis” (1 Pedro 5:6, 7). Jiova kineki maj kuali tiyetokan. Uan tein tayolmajxitia nochipa tapaleuia (Proverbios 3:5, 6; Isaías 48:17, 18).

 XIONMOTAJTANI

¿Keniuj uelis timochiuaskej kuali tinamikuanij uan tetatmej?

Tikonajsis keniuj tanankilia Biblia itech EFESIOS 5:1, 2 uan COLOSENSES 3:18-21.