Xionyoui kampa nesi tein kipia

Xionyoui kampa nesi tein kipia

 TAMACHTILIS 103

“Maj uiki moTekiuajyo”

“Maj uiki moTekiuajyo”

Jiova motenkauak: “Amo onkasok chokalis, tekokojkayot, kokolis nion mikilis. Nikuatsati sejse nanmoixayo. Amo nankielnamikiskejok tein amo kuali tein panok”.

Jiova kintalij Adán uan Eva itech xochital tein moajsia Edén porin kinekia maj nemikan ika yolpakilis uan yolseuilis. Monekia kiueyichiuaskej ininTajtsin uan kinpiaskej miakej konemej akin momoyauaskiaj itech nochi taltikpak. Adán uan Eva amo kitakamatkej Jiova, sayoj ke tein yejuatsin kinekia maj mochiua amo mopatani. Itech nejin amatajkuilol tikitakej ke Dios nochipa kichiua tein motenkaua. ITekiuajyo kiualkuis miak taman tein tel kualtsin itech taltikpak, uan ijkon mochiuas tein yejuatsin motenkauak iuan Abrahán.

Amo uejkaua, amo yetoskejok Satanás nion iamokuali ejekauan nion taltikpakneminij akin kichiuaj tein amo kuali. Nochin kiueyichiuaskej Jiova. Amo tikokolispeuaskej nion timomikiliskejok, ta sejse tonal timeuaskej ika miak chikaualis uan yolpakilis porin  tiyoltokej. Nochi taltikpak mochiuas se xochital. Tinochin tikpiaskej takual tein tel uelik uan kuajkuali kalmej. Amo nemiskejok taltikpakneminij akin tetajyouiltiaj uan teteuiaj, ta nochin yeskij yolkualmej. Koujtajtapialmej amo techmouiliskejok, nion tejuan tikinmouiliskejok.

Semi tiyolpakiskej keman Jiova peuas kinajokuis mikemej. Kuali tikinseliskej akin nenkej ne uejkauj kemej Abel, Noé, Abrahán, Sara, Moisés, Rut, Ester uan David. Yejuan touan tekitiskej uan tikchiuaskej maj nejin taltikpak mochiua se xochital. Nochipa tikpiaskej tel miak taman tein kualtsin tein tikchiuaskej.

Jiova kineki xinemi itech Xochital. Ompa tikmatiskej miak taman kemej tamati Dios tein amo keman tiknemilianij. Yejua ika, ¡maj mojmostaj okachi timotokikan iuan Jiova, axkan uan nochipaya!

“[Jiova], Tejuatsin mitsonnamiki xikselijto nochi ne mouistililis uan ne ueyipanchiualis uan ne chikaukakualtsiyo. Porin sayo Tejuatsin tikonchijchiuak nochi.” (Apocalipsis 4:11)