Xionyoui kampa nesi tein kipia

Xionyoui kampa nesi tein kipia

 TAMACHTILIS 80

Jesús kinixpejpena 12 itatitaniluan

Jesús kinixpejpena 12 itatitaniluan

Keman Jesús kiuikaya kemej se xiuit uan tajko tanojnotstinemia, monekik kiixpejpenas se taman tein motelnekia. ¿Akonimej kinixpejpenaskia maj okachi iuan tekitinij uan maj taixyekananij itech nechikol kampa kichiuaj kemej Cristo? Achto ke kinixpejpenaskia, Jesús kitemoj maj Jiova kiyekana. Yejua ika, yajki itech se tepet kampa ueliskia yetos iselti uan kitataujtij Dios nochi youal. Mostika kualkan, Jesús kinsentilij seki imomachtijkauan uan kinixpejpenak 12 itatitaniluan. ¿Tikelnamiki itokay semej? Motokaytiayaj Pedro, Andrés, Santiago, Juan, Felipe, Bartolomé, Tomás, Mateo, Santiago ikoneuj Alfeo, Tadeo, Simón uan Judas Iscariote.

Andrés, Pedro, Felipe, Santiago

Nochin 12 yajtinemiaj iuan Jesús. Yejua kinmachtij keniuj tanojnotsaskej, uan satepan kintitanik maj ininselti tanojnotsatij. Uan no, Jiova kinmakak chikaualis tein kinpaleuiskia maj kinkixtianij amokuali ejekamej uan maj tapajtianij.

Juan, Mateo, Bartolomé, Tomás

Jesús kinitaya 12 itatitaniluan kemej itasojikniuan, uan iniuan takuaujtamatia. Fariseos kinemiliayaj ke tatitanilmej amo teyi kimatiaj. Sayoj ke Jesús amo ijkon kinitaya. Yejua kuali  kinmachtijka keniuj kichiuaskej tekit tein kinnauatijka. Yejuan yetoskiaj iuan Jesús keman kipanoskia seki taman tein motelnekia. Kemej neskayot, yetoskiaj iuan achto ke momikiliskia uan satepan ke moajokuiskia. Miakej katkaj kayomej Galilea, ijkon kemej Jesús. Uan sekin kipiayaj ininnamik.

Santiago ikoneuj Alfeo, Judas Iscariote, Tadeo, Simón

Tatitanilmej katkaj tajtakolejkej, yejua ika mopolouayaj. Kemansa amo kinemiliayaj tein kijtouayaj uan amo kuali taixpejpenayaj. No yolijsiuiaj. Hasta motajtolteuiayaj porin kinekiaj kimatiskej akoni katka okachi ueyichiujkej. Sayoj ke katkaj yolkualmej uan kitasojtayaj Jiova. Keman Jesús amo moajsiskiaok nikan taltikpak, yejuan akin yekinika pouiskiaj itech nechikol kampa kichiuaj kemej Cristo kampa kichiuaskiaj se tekit tein motelneki.

“Namechilia ke namejuan nannotasojikniuan porin namechajsikamatiltij ya nochi ne tanauatilme ijkon keme nikakilij [...] Notajtsin.” (Juan 15:15)