Xionyoui kampa nesi tein kipia

Xionyoui kampa nesi tein kipia

 TAMACHTILIS 70

Ángeles kitematiltiaj ke yolik Jesús

Ángeles kitematiltiaj ke yolik Jesús

César Augusto, akin tekiuajtia Roma, tanauatij maj nochin judíos yanij moijkuilotij kampa yolkej. Yejua ika José uan María yajkej Belén, porin ichankauan José ompa kayomej katkaj. Amo uejkaua yoliskiaya ikonetsin María.

Keman ajsikej Belén, sayoj uelik mokalotijkej kampa kochiaj tapialmej, uan ompa yolik Jesús. María kipijpikik ika tilmaj yemanik uan ika nejmachkayot kitekak kampa kintatemiayaj tapialmej.

Ompakauin, seki ichkatajpianij youak kinyekpixtoyaj ininichkauan ixtauat. Ompa, monextij se ángel, uan kinyoualoj se tanex tein kinextiaya ichikaualis Jiova. Ichkatajpianij momoujtijkej, sayoj ke ángel kiniluij: “Amo ximouikan, nikualkui kualtsitsin tanauatilmej. Mesías axkan yolik Belén”. Ijkuak, monextijkej miak ángeles ejekaixko uan kijtouayaj: “Maj moueyitali Dios ne iluikak, uan maj onka  yolseuilis itech taltikpak”. Ompa ángeles ixpoliujkej. ¿Toni kichiujkej ichkatajpianij?

Ichkatajpianij moiluijkej: “Maj niman tiyakan Belén”. Yejua ika niman yajkej uan kinajsitoj José uan María kampa kochiaj tapialmej iuan konetsin.

Nochin kimoujkaitakej tein ángel kiniluij ichkatajpianij. María semi itech tanemilij nejon uan amo keman kielkauak. Ichkatajpianij mokepkej kampa moajsiaj ininichkauan, uan semi kitasojkamatiliayaj Jiova nochi tein kiitakaj uan kikakkaj.

“Axkan niuala nikan niyetok namouan, uan Nejuatsin niuala amo sayo de notanejnekilis de nejua san. Ta, Totajtsin Dios nechualtitanik.” (Juan 8:42)