Xionyoui kampa nesi tein kipia

Xionyoui kampa nesi tein kipia

 TAMACHTILIS 7

¿Toni uelis tikchiuas komo timoui oso timomachilia moselti?

¿Toni uelis tikchiuas komo timoui oso timomachilia moselti?

Xikita okichpil itech taixkopin. Moita ke iselti uan moui, ¿melauj? ¿Kemansa no ijkon timomachiliani?... Tinochin kemansa ijkon timomachilianij. Biblia kijtoua ke sekin akin Jiova kintasojtaya momachilijkej ininselti uan moujkej. Semej katka Elías. Maj tikitakan akoni katka uan toni kipanok.

Jezabel kinekia kimiktis Elías

Elías nemik itech xolal Israel miak xiujmej achto ke Jesús nemiskia nikan taltikpak. Itech nejon tonalmej, akin tekiuajtia Israel uan inamik amo kiueyichiuayaj Dios akin melauak, Jiova. Yejuan motokaytiayaj Acab uan Jezabel, uan kiueyichiuayaj tiotsin Baal. Yejua ika tel miakej itech xolal Israel no kiueyichiuayaj Baal. Tekiuaj Jezabel tel amo yolkuali katka uan kinekia kinmiktis nochin akin kitakamatiaj Jiova. Uan kemej Elías kiueyichiuaya Jiova, ¡no kinekia kimiktis! ¿Toni ueliskia kichiuas Elías? ¿Toni tikchiuaskia tejua?...

 ¡Elías choloj uejka! Yajki itech taluakyan uan motatij itech se tekoyok. ¿Keyej motatito?... Porin mouia. Sayoj ke amo kipiaya keyej mouis. ¿Keyej amo? Yejua kimatia ke Dios ueliskia kipaleuis. Achto ipa kipaleuijkaya. Se tonal, kititanik tit tein ualeuak ne iluikak ijkon kemej tajtanik Elías. ¿Melauj ke Jiova kipia miak chikaualis? Kemaj. ¡Elías uelia senkis takuaujtamatia iuan Jiova!

¿Keniuj Jiova kipaleuij Elías?

Keman Elías yetoya itech tekoyok, Jiova iuan tajtoj uan kitajtanij: “¿Keyej nikan tiyetok?”. Elías kinankilij: “Achto onkaya oksekin akin mitstakamatiaj, uan axkan sayoj nejua nimokaua. Uan nimoui maj nejua no nechmiktikan”. Elías kinemiliaya ke nochin akin kiueyichiuayaj Jiova kinmiktijkajya. Sayoj ke Jiova kiluij: “Amo, nejon amo melauak. Moajsijok siete mil akin nechueyichiuajok. Amo ximoui, porin nikpia se tekit tein nikneki xikchiua”. Keman Dios kiluij nejon, ¿keniuj momachilij Elías?... ¡Tel yolpakik!

Axkan xiknemili tein kipanok Elías. ¿Toni techmachtia?... Kemansa uelis timouis oso timomachilis moselti. Sayoj ke keman ijkon timomachilis, ¿tikmati itech toni uelis titanemilis? Ke amo tiyetok moselti, porin tikinpia akin kuali iniuan timouika uan kitasojtaj Jiova. Uan amo xikelkaua ke Jiova kipia miak chikaualis uan nochipa mitspaleuis. ¿Melauj ke tel kualtsin tikmatis nejon?...

MAJ TIKIXTAJTOLTIKAN ITECH BIBLIA: