Xionyoui kampa nesi tein kipia

Xionyoui kampa nesi tein kipia

 TAXELOL 5

Achto ke panoskia Tetsaujkakiouit: ¿akonimej kikakkej Dios?

Achto ke panoskia Tetsaujkakiouit: ¿akonimej kikakkej Dios?

Tein nenkej itonaluan Noé kichiuayaj miak taman tein tel amo kuali (Génesis 6:5)

Adán uan Eva kinpiakej konemej, uan niman momiakilijkej nikan taltikpak. Ompa, seki ángeles mochiujkej kemej Satanás uan kiixnamikkej Dios.

Temokej nikan taltikpak uan monakayotijkej kemej taltikpakneminij porin kinekiaj monamiktiskej imiuan siuamej. Kinpiakej konemej tel amo yolkualmej uan tel chikaujkej ke oksekin taltikpakneminij.

Noyampa moajsiaj tein amo yolkualmej. Biblia kimelaua ke “iamo kuali tachiualis taltikpaknenkej moajsia noyampa” uan nochipa kinemilijtoyaj kichiuaskej tein amo kuali.

 Noé kitakamatik Dios uan kichijchiuak se koujkaxon (Génesis 6:13, 14, 18, 19, 22)

Noé katka se takat yolkuali. Jiova kiiluij ke kinixpoloskia tein amo yolkualmej ika se ueyi apoliuilis oso tetsaujkakiouit.

Kinauatij maj kichijchiua se ueyi koujkaxon oso arca tein ueliskia moajsis aixko. Monekia ompa kinkalakis ichankauan uan nochi tataman tapialmej.

Noé kinnauatij oksekin taltikpakneminij ke ualaskia se tetsaujkakiouit, sayoj ke amo kikakilijkej. Sekin sayoj kiueuetskilijkej uan oksekin tel kualankej.

Keman Noé kitamichijchiuak koujkaxon, ompa kinkalakij tapialmej.