Xionyoui kampa nesi tein kipia

Xionyoui kampa nesi tein kipia

 TAXELOL 7

¿Akoni Jesús?

¿Akoni Jesús?

Jiova kiualtitanik Jesús nikan taltikpak (1 Juan 4:9)

Miak xiujmej achto ke Jiova kichijchiuaskia Adán, kichijchiuak ne iluikak se ángel tel chikauak. Yejuatsin no kineki maj tikakikan iKonetsin.

Satepan ke Dios kichijchiuak, kiixtalij maj yoli nejin ángel kemej se konetsin nikan taltikpak. Itech yolik se ichpoch tein monotsa María itech xolal Belén. Nejin konetsin kitokaytijkej Jesús (Juan 6:38).

Keman Jesús nemia nikan taltikpak, kinextij ke katka yolkuali uan tetasojtakej ijkon kemej Jiova. Yejika miakej kinekiaj iuan yetoskej. Uan no, ika ueyi yolchikaualis Jesús kinmachtij tein melauak kijtoua Dios.

 Maski Jesús kichiuak miak taman tein kuali, miakej kitauelitayaj (1 Pedro 2:21-24)

Akin taixyekanayaj itech taneltokalis kitauelitayaj Jesús porin yejua kijtouaya tein amo kuali kichiujtoyaj uan takajkayaualis tein tenextiliayaj.

No kinpajtij tein mokokouayaj uan kinajokuik sekin tein momikilijkaj.

Satepan, nejin tayekananij kinolinijkej tein pouiaj Roma maj kitajyouiltianij uan maj kimiktianij Jesús.