Xionyoui kampa nesi tein kipia

Xionyoui kampa nesi tein kipia

Tanojnots 74: Se takat tein amo mouik

Tanojnots 74: Se takat tein amo mouik

XIKINITA taltikpakneminij tein kiueuetskilijtokej nejin telpoch. ¿Tikmati akoni? Motokaytia Jeremías, se itanauatijkauj Dios.

Taltikpakneminij kiueuetskilijtokej Jeremías

Nimasaj keman tekiuaj Josías peuak kinixpoloua tiotsitsin itech nochi Israel, Jiova kiiluij Jeremías maj mochiuani Itanauatijkauj. Jeremías momachiliaya tel telpochok maj mochiuania tanauatijkej. Sayoj ika Jiova kiiluij ika Yej kipaleuiskia.

Jeremías kiniluij israelitas maj amo kichiuanijok tein amo kuali. Kiniluij: ‘Tiotsitsin tein kiniueyichiuaj taltikpakneminij kayomej itech okseki altepemej, amo melaujkej’. Sayoj ika miakej israelitas kisentokayaj kiniueyichiuayaj tiotsitsin, uan amo Jiova, Dios tein melauak. Keman Jeremías kiniluiaya israelitas ika Dios kintatsakuiltiskia nochin tein kichiuayaj tein amo kuali, kiueuetskiliayaj.

Keman panok xiujmej, Josías momikilij, uan eyi metsti satepan, ikoneuj Jehoiaquim mochiuak tekiuaj. Jeremías kisentokaya kiniluiaya israelitas: ‘Jerusalén eski taixpolol komo namejuan amo namopataj’. Tiopixkamej kikitskijkej Jeremías uan kijtojkej chikauak: ‘Jeremías tajtoj ipan toaltepeuj uan moneki mikis’.

¿Toni kichiuaskia Jeremías? ¡Yej amo mouik! Kiniluij nochin: ‘Jiova nechualtitanik maj namechiluiki nochi nejin. Komo amo nankikauaj tachiualismej tein amo kuali, yej kiixpolos Jerusalén. Sayoj ika, xikyekmatikan nejin: Komo nanechmiktiaj, nankimiktiskej se takat tein amo teyi kichiujtok tein amo kuali’.

Tayekananij kikaujkej maj nemi Jeremías, sayoj ika israelitas kisentokayaj kichiuayaj tein amo kuali. Satepan Nabucodonosor, tein tekiuajtia Babilonia, kinteuito tein nemiaj Jerusalén. Uan ika tamik, Nabucodonosor kinchiuak itekitikauan israelitas. Tel miakej kiniuikak Babilonia. ¿Keniuj timomachiliskia komo taltikpakneminij tein amo tikinixmati mitsuikaskiaj itech se altepet kampa amo tiixmati?

Jeremías 1:1-8; 10:1-5; 26:1-16; 2 Reyes 24:1-17.



Netajtanilmej

  • ¿Akoni telpoch tein moita itech taixkopin?
  • ¿Keniuj momachilij Jeremías keman Jiova kijitak maj mochiuani itanauatijkauj, sayoj ika toni kiiluij Jiova?
  • ¿Toni tanauatil kisentokaya kiniluiaya Jeremías israelitas?
  • ¿Keniuj kinekiaj tiopixkamej kitsakuiliskej Jeremías, sayoj ika keniuj kinextij ika amo mouik?
  • Kemej israelitas amo kikaujkej tachiualismej tein amo kuali, ¿toni kinpanok?

Okseki netajtanilmej

  • Xikixtajtolti Jeremías 1:1-8.

    Kemej kinextia ineskayo Jeremías, ¿toni kipaleuia se taltikpaknenkej maj kichiua itekiyo Jiova? (2 Cor. 3:5, 6.)

    ¿Keniuj kiniyolchikaua tokniuan telpochmej uan ichpochmej ineskayo Jeremías? (Ecl. 12:1; 1 Tim. 4:12.)

  • Xikixtajtolti Jeremías 10:1-5.

    ¿Toni neskayot kikuik Jeremías tein ika kiyeknextij ika amo nenken kualtia maj iminka se takuaujtamati tiotsitsin? (Jer. 10:5; Isa. 46:7; Hab. 2:19.)

  • Xikixtajtolti Jeremías 26:1-16.

    Keman taijitalmej tein yetokejok nikan Taltikpak kiuikaj tanauatil tein kipia tanejmachtilis, ¿keniuj kichiuaj ijkon kemej Jiova kinauatij Jeremías maj ‘amo kikuiliani niose tajtol’? (Jer. 26:2; Deu. 4:2; Hech. 20:27.)

    ¿Toni kuali neskayot kinkauilij Jeremías itaixpantijkauan Jiova axkan tonalmej, keman kiniuikiliaj taltikpakneminij tanejmachtilis tein Jiova kitemaka? (Jer. 26:8, 12, 14, 15; 2 Tim. 4:1-5.)

  • Xikixtajtolti 2 Reyes 24:1-17.

    ¿Toni tein tetayokoltij kinpanok tein pouiaj Judá keman kikaujkej Jiova? (2 Rey. 24:2-4, 14.)