Xionyoui kampa nesi tein kipia

¿Ejkos tonal keman tamis tajyouilis?

¿Ejkos tonal keman tamis tajyouilis?

¿Tikonijtoskia ke...

  • ... kemaj?

  • ... amo?

  • ... xa kemaj?

 TEIN KIJTOUA BIBLIA

“Dios [...] kinelkaualtis de ninchokilisuan [...]. Uan amo aken momikilis ok; uan amo aken mochoktis ok; [...] uan amo aken yoltajyouis ok.” (Apocalipsis [Revelación] 21:3, 4, El Nuevo Testamento en Náhuatl de la Sierra de Puebla.)

KENIUJ TECHPALEUIA

Tikyekmatiskej ke Dios amo kichiua maj titajyouikan (Santiago 1:13).

Techyolseuis tikmatiskej ke Dios kimachilia tajyouilis tein tikpanouaj (Zacarías 2:8).

Tikyekneltokaskej ke satepan amo onkasok nion teyi tein techtajyouiltis (Salmo 37:9-11).

 ¿ONKAK KEYEJ TIKNELTOKASKEJ TEIN KIJTOUA BIBLIA?

Kemaj, maj tikitakan ome:

  • Dios kitauelita tajyouilis uan teikamauiltilis. ¿Keniuj momachilij Jiova keman ne uejkauj kintajyouiltijkej akin kitekitiliayaj? Biblia kijtoua ke kiyolkokouaya kiitas keniuj okseki altepemej “kinijtakouayaj” (Jueces 2:18).

    Dios kintauelita akin tetajyouiltiaj. Kemej neskayot, Biblia kijtoua ke kitauelita “imauan taltikpaknenkej tein kitoyaua iesyo akin amo kichiujtok tein amo kuali” (Proverbios 6:16, 17).

  • Dios kitekipachoua tein kipanoua sejse taltikpaknenkej. Maski tikonnemilis ke sayoj tejuatsin tikonmati “tajyouilis uan tekokojkayot” tein tikonpanotok, tein melauj Jiova no kimati (2 Crónicas 6:29, 30).

Dios amo uejkaua kichiuas maj iTekiuajyo kitami tein kitajyouiltia sejse taltikpaknenkej (Mateo 6:9, 10). Uan axkan tonalmej, kinyolseuia ika netasojtalis akin kitemouaj ika nochi ininyolo (Hechos 17:27; 2 Corintios 1:3, 4).

 XIONMOTAJTANI

¿Keyej kikaua Dios maj titajyouikan?

Tikonajsis keniuj tanankilia Biblia itech ROMANOS 5:12 uan 2 PEDRO 3:9.