Xionyoui kampa nesi tein kipia

Xionyoui kampa nesi tein kipia

 TONEMILIS KEMEJ ITATOJTOKAKAUAN CRISTO

Maj tikuikan tonemilis uan maj ika tikueyichiuakan Jiova

Maj tikuikan tonemilis uan maj ika tikueyichiuakan Jiova

Nemilis se ueyi netetayokolil. Kemej tinemij kinextia ox tikpatiuitaj oso amo. Sejse itaixpantijkauj Jiova mochikaua kikuis tein kimati uan tein ueli kichiua uan ika kiueyichiua Jiova, akin Techmaka tonemilis (Sl 36:9; Ap 4:11). Sayoj ke, netekipacholmej tein tikixnamikij mojmostaj uelis kichiuas maj amo tiktayekanaltikanok tein tikixtalianij tikchiuaskej itech itekiyo Dios (Mr 4:18, 19). Yejua ika, tinochin moneki timotajtaniskej: “¿Nikmakatok Jiova tein okachi kuali? (Os 14:2). ¿Nechtsakuilijtok notekiuj oso tein nimomachtijtok maj kuali nimouika iuan Jiova? ¿Toni nikixtalijtok nikchiuas itech itekiyo Dios? ¿Keniuj uelis okachi niktekitilis Jiova?”. Komo tikonnemilia ke uelis tikonchiuas okachi, xikontajtani Jiova maj mitsonpaleui xikonpata tein moneki. Senkis tikmatij ke tikueyichiuaskej Jiova mojmostaj techpaleuia maj tiyolseujtokan uan maj tiyolpakikan (Sl 61:8).

¿Akoni tikonmakatok tein ueli tikonchiua?

XIKONITA VIDEO XIKUI TEIN TIKMATI TIKCHIUAS UAN IKA XIKTEKITILI JIOVA UAN XIKONNANKILI NEJIN NETAJTANILMEJ:

  • ¿Keyej amo taixejekol maj se kikui tein se kimati se kichiuas itech nejin taltikpak kampa taixyekantok Satanás? (1Jn 2:17).

  • ¿Toni tatiochiualismej kiseliaj akin kimakaj Jiova tein okachi kuali?

  • ¿Itech toni taman itekiyo Dios tikonuelitaskia tikonkuis tein tikonmati tikonchiuas?