Xionyoui kampa nesi tein kipia

Xionyoui kampa nesi tein kipia

 TONEMILIS KEMEJ ITATOJTOKAKAUAN CRISTO

Tetatmej, xikinpaleuikan nanmokoneuan maj kitekitilikan Dios

Tetatmej, xikinpaleuikan nanmokoneuan maj kitekitilikan Dios

Tetatmej akin kichiuaj kemej Cristo kinekij maj ininkoneuan kitekitilikan Jiova uan maj amo keman kikauakan. Uelis kichiuaskej komo peuaj kinpaleuiaj maj tamachtilis tein melauak ajsi itech ininyolo keman nojnelmejok (Dt 6:7; Pr 22:6). Semi ouij kichiuaskej nejin, sayoj ke komo mochikauaj, semi kinpaleuiskej ininkoneuan (3Jn 4).

Tetatmej uelis semi kinpaleuis ininneskayo José uan María. Yejuan momattoyaj yaskej “cada se xiuit tech ne pueblo de Jerusalén para iluititiue” itech pascua, maski keman yaskiaj monekia semi mochikauaskej uan monekia tomin (Lu 2:41). José uan María kiitayaj ke okachi monekia kinpaleuiskej ininkalyetouanij maj kipiakan se kuali uikalis iuan Jiova. Axkan, tetatmej no uelis kuali kinixyekanaskej ininkoneuan komo nochipa kinmachtiaj ika tein kijtouaj uan ika tein kichiuaj (Sl 127:3-5).

SATEPAN KE MOITAS VIDEO KICHIUJKEJ NOCHI TEIN KINPALEUISKIA, XIKONNANKILI NEJIN NETAJTANILMEJ:

  • Keman Jon uan Sharon Schiller kiniskaltijtoyaj ininkoneuan, ¿keniuj kitayekanaltijkej itekiyo Dios?

  • ¿Keyej tetatmej moneki kinmelauaskej ininkoneuan ijkon kemej sejse kinamiki?

  • ¿Keniuj uelis tetatmej kinpaleuiskej ininkoneuan maj kixikokan tayejyekolismej?

  • Inechikol Jiova kitemakani miak nepaleuilmej, ¿katiyejua tikonkui uan ika tikonpaleuia mokoneuan maj okachi kuali mouikakan iuan yejuatsin?

Xikchiuakan maj nanmokalyetouanij nochipa kitayekanaltikan itekiyo Dios.