Xionyoui kampa nesi tein kipia

Xionyoui kampa nesi tein kipia

 TONEMILIS KEMEJ ITATOJTOKAKAUAN CRISTO

“Pablo [...] kiueyitasojkamachilij Dios uan ijkon kachi moyojyolchikauak”

“Pablo [...] kiueyitasojkamachilij Dios uan ijkon kachi moyojyolchikauak”

Keman tokniuan ompa Roma kimatkej ke Pablo ajsitiyaya, sekin yajkej kemej 64 kilómetros hasta kampa kinamikitoj. ¿Keniuj kipaleuij Pablo tein kichiujkej tokniuan? Keman kinitak, “kiueyitasojkamachilij Dios uan ijkon kachi moyojyolchikauak” (Hch 28:15). Pablo nochipa kinyolchikauaya tokniuan, sayoj ke itech nejon tonal yejua monekia maj kiyolchikauakan porin tekiuanij kitatsakuiltijkaj (2Co 13:10).

Itech totonaluan, tokniuan takalpanouanij youij kinyolchikauatij tokniuan itech nechikolmej. Kemansa, ijkon kemej tejuan no sioujtokej, motekipachojtokej oso kinekij mosenkauaskej. ¿Keniuj uelis tikyolchikauaskej tokniuj uan inamik uan ijkon keman techkalpanos “timoyolmajxitiske ika ne totakuautamatilis”? (Ro 1:11, 12.)

  • Maj timosentilikan keman titanojnotsatij. Keman tokniuj techkalpanojtok semi kiyolchikaua kiitas ke timochikauaj tikisaskej tanojnotsalis nejon semana (1Te 1:2, 3; 2:20). Maj timochikauakan titapaleuiskej kemej precursor auxiliar nejon metsti. ¿Uelis tikixtaliskej titanojnotsaskej iuan tokniuj takalpanojkej oso iuan inamik?, oso ¿uelis tikontemakatiuij se nemachtil ika Biblia iniuan? Yejuan kinyolpaktia tanojnotsaskej iniuan nochin tanojnotsanij itech nechikol. Yejua ika, amo xikonnemili ke yankuixtok tionpeuak tiontanojnotsa oso ke amo kuali tikonchiua.

  • Maj kuali tikinselikan. ¿Ueliskia mokauaskej tochan oso tikinyoleuaskej maj takuakij? Ijkon tikinnextiliskej ke tikintasojtaj. Uan no, yejuan amo kichiaj se ueyi tatakualis (Lu 10:38-42).

  • Maj tikinkakikan keman techyolmajxitiaj uan maj tikchiuakan. Tokniuj takalpanojkej techpaleuis ika netasojtalis maj okachi kuali tiktekitilikan Jiova. Kemansa, xa monekis techmelauas (1Co 5:1-5). Komo tiktakamatij, kichiuas itekiuj ika miak pakilis (Heb 13:17).

  • Maj tikintasojkamatilikan. Uelis tikiniluiskej tokniuj takalpanojkej uan inamik keniuj techpaleuiani tein kichiuanij oso uelis tikinijkuilouiliskej itech se amatsin (Col 3:15).