Xionyoui kampa nesi tein kipia

Xionyoui kampa nesi tein kipia

 TONEMILIS KEMEJ ITATOJTOKAKAUAN CRISTO

Maj okachi kuali titanojnotsakan: Xikonpapata kemej tiontanojnotsa

Maj okachi kuali titanojnotsakan: Xikonpapata kemej tiontanojnotsa

KEYEJ MOTELNEKI: Taixpejpenalmej uan okseki ichkamej kinyoleuaj nochin maj tayikan “ne atsin ten kitemaka nemilis” (Ap 22:17). Nejin at kiixnextia nochi tein Jiova kichiuani tein ika techpaleuis maj amo tikpiakanok tajtakol nion maj timomikilikanok komo tiktakamatij. Uelis tikinpaleuiskej tel miakej akin tataman tein momattokej kichiuaskej oso tein kineltokaj komo tikinixmatiltiaj “ne Tajtoltsin de Dios ten kualkui ne nemakixtilis” kemej kinyolnotsas (Ap 14:6).

KENIUJ TIKCHIUASKEJ:

  • Xikonixpejpena se tamachtilis uan se texto tein uelis kinpaleuis akin nemij kampa ixyetok tiontanojnotsas. Uelis tikonixpejpenas kampa ixyetok keniuj uelis tipeuaskej titajtoskej oso tikonnemilis teisa tein okachi mitsonpaleuiani itech tanojnotsalis. ¿Toni taman tamachtilis oso katiyejua textos okachi mitsonpaleuianij? ¿Toni yankuixtok okachi ika tajtouaj akin nemij kampa tiontanojnotsa? ¿Toni okachi kinyolnotsa takamej? ¿Toni okachi kinyolnotsa siuamej?

  • Xikonita tein momattok kichiuas akin tikonnojnotsa uan keniuj motajpalouaj kampa tionnemi (2Co 6:3, 4).

  • Kuali xikonixmati amaixmej uan videos tein moajsij itech nepaleuilmej tein ika titamachtiaj. Ijkon uelis tikontekitiltis iniuan akin kinekij kimatiskej okachi.

  • Xikontemoui amaixmej uan videos itech tajtolmej tein motajtoua kampa tiontanojnotsa.

  • Xikonpata tein ika yaya tikonnojnotsati aksa porin xa kiyolnotsa okse taman (1Co 9:19-23). Xikonnemili, ¿toni tikoniluiskia aksa komo mitsoniluia ke yankuixtok momikilij se akin kitasojta?

SATEPAN KE MOITAS VIDEO, XIKONNANKILI NEJIN NETAJTANILMEJ:

  • ¿Toni ika peuak tajtoua tokniuj?

  • ¿Toni kipanouaya akin kinojnotstoya?

  • ¿Katiyejua texto okachi kipaleuiskia, uan keyej?

  • ¿Keniuj tikonpata kemej tiontanojnotsa uan ijkon okachi tikonyolnotsas akin nemij kampa tiontanojnotsa?