“Amo xichoka... Dios kimati ke nejin yejua tein okachi kuali”.

Nejin tajtolmej kiluijkej se siuat akin itokay Barbara * keman momikilij ipopaj, ijkuak mochiuak tein amo mochiaya.

Nejon tajtolmej tein ika kinekia kipaleuis kiluij se siuat akin kuali mouikaya iniuan ichankauan Barbara. Sayoj ke, kemej yejua semi kitasojtaya ipopaj, nejon tajtolmej amo kiyolseuijkej, ta okachi kiyolkokojkej. Yejua miakpa motajtaniaya, “¿keniuj nejon yeski tein okachi kuali?”. Seki xiujmej satepan kijkuiloj nejon tein kipanok tein kinextia ke kisentokaya kiyolkokouaya maj ipopaj momikiliani.

Tein kipanok Barbara kinextia ke aksa uelis tayokoxtos miak tonalmej okachiok komo akin momikilia katka se akin semi kitasojtaya. Yejua ika amo tikmoujkaitaj maj Biblia kijto ke mikilis yejua “taixnamikkej tein ika tami” (1 Corintios 15:26, TNM). Ejko keman amo tikchiaj uan techkuilia akin okachi tiktasojtaj. Amo akin ueli momakixtia. Yejua ika, moajsikamati maj amo tikmatikan toni tikchiuaskej keman aksa momikilia.

Xa tionmotajtaniani: “¿Kemanian amo nitayokoxtosok? ¿Toni uelis tepaleuis maj se taxiko? ¿Keniuj uelis se kipaleuis akin kipanotok nejon tekokojkayot? Akin tikintasojtaj uan momikilijkejya, ¿oksepa kipiaskej nemilis?”.

^ párr. 4 Mopatak tokayit.