Nechikol tein mochiua ijkuak tikelnamikij imikilis Jesús semi techpaleuia maj ueli tiknemilikan nochi tein kuali tein tikpiaskej porin Jiova kitemakak taxtauil. Semej yejua ke mikemej oksepa kipiaskej nemilis. Jiova amo keman kinekik maj timomikilianij. Yejua ika, se taman tein kichiua maj okachi titajyouikan yejua keman momikilia se akin tiktasojtaj (1Co 15:26). Jesús semi tajyouij ijkuak kinitak ke imomachtijkauan chokatoyaj porin momikilij Lázaro (Jn 11:33-35). Uan kemej Jesús tamati kemej iPopaj, tikmatij ke Jiova no kiyolkokoua ijkuak kiita ke tichokaj porin momikiliaj akin tikintasojtaj (Jn 14:7). Jiova kinektok maj ejko tonal keman oksepa kinmakas nemilis itekitikauan akin amo kikauaj uan tejuan no ijkon (Job 14:14, 15).

Kemej yejuatsin se Dios akin kiuelita maj nochi kuali mochiua, moajsikamati ke keman kinajokuis mikemej no kiitas maj kuali mochiua (1Co 14:33, 40). Amo tichokaskejok ijkuak aksa momikilia, ta tiyolpakiskej tikinseliskej akin moajokuiskej. ¿Tiontanemiliani itech nejin taman, okachiok ijkuak momikilia aksa? (2Co 4:17, 18). ¿Tikontasojkamatilia Jiova maj techmaka nejin netetayokolil uan maj technextiliani itech Biblia ke mikemej oksepa kipiaskej nemilis? (Col 3:15).

  • ¿Akoni mochankauj oso motasojikniuj okachi tikonneki oksepa tikonitas?

  • ¿Akonimej akin ika tajtoua Biblia tikonneki tikonixmatis uan iuan tiontajtos?