Ir al contenido

Jehová itlajtoltemakauaj kintlaskamatilijkej pampa tlapaleuijkej kema tlatemik ipan Hungría

Jehová itlajtoltemakauaj kintlaskamatilijkej pampa tlapaleuijkej kema tlatemik ipan Hungría

Ipan junio xiuitl 2013 tlauel tlakiyajki ipan Europa central. Nopa ueyatl tlen itoka Danubio tlauel temik, uan nopa amo kema panotoya ipan altepetl Hungría.

Pampa tlauel monekiyayaj ma kinpaleuikaj maseualmej, nopa Ministerio de Recursos Humanos kitlajtlanik kali Betel ma kipaleuikaj altepetl Hungría. Toikniuaj tlen Betel, kiniljuijkej nochi tlanechikolmej tlen itstokej nechka atemitl Danubio ma kichiuakaj nochi tekitl tlen kinnauatiskiaj tekichiuanij.

Uan nochi tlanechikolmej kinejkej tlapaleuisej, kipano 900 Jehová itlajtoltemakauaj tlen 72 tlanechikolmej tlapaleuijkej kema kitsakuilijkej nopa atemitl. Uan kiniljuijkej ma kiuikakaj se tarjeta kampa kipiaskia inintoka, kanke euaj uan nopa tlajtoli Testigos de Jehová.

Se tlayakanketl ipan Cruz Roja Húngara kititlanki se amatlajkuiloli ipan se tlanechikoli uan kiijtok: “Tlauel moneki tiinmechtlaskamatilisej uan tiinmechtlepanitasej. Amo nochipa tikinitaj maseualmej kej inmojuantij tlen mosentikapaleuiaj uan tlen kinpaktia tlapaleuisej. Uan nochipa tikilnamiktosej pampa miakej ualajkej tlen tlauel uejka. Nechpaktiskia nikiniljuis maseualmej tlen ni altepetl inmojuantij technextilijtokej se kuali tlamantli tlen kuali”.

Nojkia, toikniuaj ipan Betel kiselijkej se amatlajkuiloli tlen se tlayakanketl katli kiyakana nopa tekitl kampa kinpaleuiaj maseualmej tlen Hungría, uan tlauel kintlaskamatilik nochi nopa tekitl tlen kichijkej Jehová itlajtoltemakauaj.