Ir al contenido

JW Library mitspaleuis ximomachti Biblia

JW Library mitspaleuis ximomachti Biblia

Ipan octubre 7, 2013, Jehová itlajtoltemakauaj kichijchijkej se aplicación ika tlajtoli inglés, tlen kinpaleuis maseualmej ma kipouakaj uan ma momachtikaj Biblia ipan teléfonos, tabletas uan ipan sekinok tlamantli. Ni aplicación itoka JW Library uan amo monamaka. Kipia chikuasej Biblias ika inglés kej nopa (Versión del Rey Jacobo) uan nopa Biblia Traducción del Nuevo Mundo de las Santas Escrituras, tlen mochijki ipan xiuitl 2013. *

¿Kenke kichijchijkej ni aplicación?

Pampa tlauel miakej maseualmej kitekiuiaj celulares, tabletas uan sekinok tlamantli, kiampa uelij kichiuaj ininteki, tlanojnotsaj uan kiitaj tlen panotok. Pampa Jehová itlajtoltemakauaj kinekij kinpaleuisej ni maseualmej, kichijchijkej miak tlamantli tlen kinpaleuiskia ma momachtikaj Biblia uan kitlalijkej ipan jw.org. Uajka, ¿kenke kichijchijkej JW Library?

Pampa kema ni aplicación ya tijtlalijtokej ipan celular, tableta o ipan seyok tlamantli ayokmo moneki Internet kema tijtekiuisej. Nojkia, ni aplicación mochijchijki pampa techpaleuia nimantsi ma tijpantikaj se texto uan kuali ma timomachtikaj Biblia. Ma tikitakaj kenijkatsa techpaleuia.

Techpaleuia ma timomachtikaj Biblia

Kema achtoui kitlapouaj nopa aplicación JW Library, nesi nochi pilamochtsitsij tlen kipia Biblia. Uan tlaj tijtlapejpenis se tlen nopa pilamochtsi, nesi nochi nopa capítulos tlen kipia. Kiampa amo ouij tijpantis se versículo o se tlapoualistli tlen eltok ipan Biblia. Nojkia, kipia sekinok tlamantli tlen nojkia techpaleuis kema timomachtisej Biblia.

  • Kipia notas tlen kiijtoua kenijkatsa nojkia uelis moijtos se tlajtoli uan sekinok tlamantli

  • Kiijtoua kanke eltok sekinok textos tlen nojkia kiixtoma sanse tlamachtili

  • Kipia kampa uelis tijtemos se tlajtoli uan kiampa amo ouij tijpantis

  • Kampa peua sejse pilamochtsi kiijtoua se kentsi tlen nopaya uala

  • Kipia se lista kampa moijtoua ajkia, kanke, kema uan keski xiuitl uejkajki kiijkuilouaj sejse pilamochtsi

  • Kipia yejyektsitsij mapas, tablas, gráficas uan sekinok tlamantli

Kej sekinok pilamochtsitsij tlen Jehová itlajtoltemakauaj kichijchijtokej, ni aplicación JW Library nojkia amo monamaka. Ni aplicación, kichijchijtokej ika tomij tlen maseualmej temakaj ika nochi ininyolo, uan maseualmej ya kikixtijtokej kipano se millón imiakpa (2 Corintios 9:7). Tlaj ayamo tijchijtok, xijkixti ipan Internet ni aplicación uan kiampa tlauel mitspaleuis kema timomachtis Biblia.

^ párr. 2 Ni aplicación kiyankuilijkej ipan enero 2014, ipan nopa xiuitl pejki nesi uan kiixtoma mojmostla se texto, nojkia kitlalijkej nopa amochtli tlen ika uikaj Jehová itlajtoltemakauaj.