Ir al contenido

¿Kenijkatsa titlamachtiaj ika Biblia?

¿Kenijkatsa titlamachtiaj ika Biblia?

Kema Jehová itlajtoltemakauaj tlamachtiaj ika Biblia, kinankiliaj miak tlajtlanili kej ni:

  • ¿Ajkia toTeotsij?

  • ¿Nelia kitekipachoua toTeotsij tlen nechpano?

  • ¿Kenijkatsa uelis kuali nimouikas iuaya nosiua o noueue?

  • ¿Tlake nechpaleuis ma niyolpaki?

Miakej motlajtlaniaj kenijkatsa titlamachtiaj. Ma tikitakaj se keski tlamantli.

¿Kenijkatsa titlamachtiaj ika Biblia? Timomachtijtiauij sejse tlamachtili tlen kipia Biblia. Tlaj timomachtiskiaj tlamachtili kej “¿Tlake kuajkuali tlamantli kinextia toTeotsij?” o “¿Tlake nechpaleuis ma niyolpaki iuaya nosiua o noueue?”, uajka tijpouaskiaj textos tlen kiixtoma ni tlamantli. Kiampa tikitaj tlake tlamachtia Biblia, uan tlaj amo tijkuamachiliaj se texto, uajka tijpouaj sekinok kampa moixtoma tlake kiijtosneki.

Kema titlamachtiaj tijtekiuiaj nopa amochtli ¿Tlake nelnelia tlamachtia Biblia?, pampa ni tlauel techpaleuia. Kuali kiixtoma tlen Biblia tlamachtia, kej ajkia toTeotsij, ajkia Jesús, kenijkatsa tiitstosej teipa uan sekinok tlamachtili.

¿Keski titlainamaj kema titemachtiaj? Amo titlainamaj yon amo tijnamakaj amatlajkuiloli tlen ika timomachtiaj.

¿Keski horas uejkaua? Sekij maseualmej momachtiaj nechka se hora ipan se semana, maske amo nochipa tiuejkauaj se hora. Ta tikijtos keski tijneki ma uejkaua.

¿Tlake panos tlaj nitlajtlanis ma nechmachtikaj ika Biblia? Se tlen Jehová itlajtoltemakauaj mitspaxaloti kema tiuelis uan kampa ta tijnekis, kiampa mitsnextilis kenijkatsa titlamachtiaj ika Biblia. Tlaj mitspaktis uan tijnekis timomachtis, katli yajki mitspaxaloua sampa yas mitsitati.

¿Nojkia nimochiuas se tlen Jehová itlajtoltemakauaj tlaj nijnekis ma nechmachtikaj? Amo. Tojuantij techpaktia tikinmachtisej maseualmej ika Biblia, uan amo aka tijchiualtiaj ma mochiua se tlen Jehová itlajtoltemakauaj. Tojuantij san tikinixtomiliaj ika tlatlepanitakayotl tlen Biblia tlamachtia, pampa katli tijmachtiaj yaya kimati tlake kineltokas (1 Pedro 3:15).