Ir al contenido

Ir al índice

4 ¿Kinekiyaya toTeotsij ma titlaijiyouikaj?

4 ¿Kinekiyaya toTeotsij ma titlaijiyouikaj?

¿Kenke moneki tijmatis?

Pampa nopa mitspaleuis xijmati kenke tiitstokej.

Ximoiljui ni

Tlaj toTeotsij techchijchiuilik se yejyektsi Tlaltipaktli kampa tiitstosej, ¿kinamiki timoiljuisej kinekiyaya ma titlaijiyouikaj?

Sekij maseualmej katli amo kipiaj ininreligión kiijtouaj toTeotsij kichiua ma titlaijiyouikaj uan nojkia kiijtouaj amo itstok toTeotsij. Inijuantij moiljuiaj titlaijiyouiaj pampa: 1) toTeotsij amo ueli kitlamiltia tlaijiyouilistli, 2) amo kineki kitlamiltis o 3) amo itstok.

¿Onka sekinok tlamantli tlen kichiua ma titlaijiyouikaj?

TLAJ NOJUA TIJNEKI TIJMATIS

Xikita nopa video ¿Kenke uelis timotemachisej nelia tlen kiijtoua Biblia? ipan jw.org/nch.

 Tlen Biblia kiijtoua

ToTeotsij amo techchijchijki pampa kinekiyaya ma titlaijiyouikaj

Ya kineki nochipa ma tiyolpakikaj.

“Uajka axonka seyok tlamantli tlen achi kuali para tlakamej. San moneki pakisej uan kichiuasej tlen kuali kema noja yoltokej. Kuali para kipantisej pakilistli ika tlen kikuasej uan tlen kiisej, uan ika nopa tekitl tlen kichiuasej. Pampa ni pakilistli eltok keja se regalo tlen toTeko techmakatok” (ECLESIASTÉS 3:12, 13).

Kema toTeotsij kinchijchijki Adán uan Eva, kinchijki xitlauakej uan kinmakak nochi tlen ika yolpakiskiaj

Ya amo kinekiyaya Adán uan Eva ma tlaijiyouikaj yon ininkoneuaj.

“Uan toTeko Dios kinteochijki uan kiniljuik: ‘Xikinpiakaj miakej inmokoneuaj para inijuantij itstosej kampa ueli ipan nochi Tlaltipaktli para ma tlanauatikaj. Nojkia niinmechtlalia xikinnauatikaj nochi michimej, totomej uan nochi tlen nemij ipan Tlaltipaktli’” (GÉNESIS 1:28).

Adán uan Eva amo kinejkej kineltokasej toTeotsij

Pampa amo tlaneltokakej, inijuantij uan ininkoneuaj tlauel tlaijiyouijkej.

“Kema pejki Tlaltipaktli, Adán tlajtlakolchijki uan tlajtlakoli pejki ipan Tlaltipaktli pampa san se tlakatl tlajtlakolchijki. Uan pampa pejki tlajtlakoli, nojkia pejki mikistli. Uajka ama mikistli techasi nochi titlakamej, pampa nochi titlajtlakolchijtokej” (ROMANOS 5:12). *

ToTeotsij amo techchijki toselti ma timoyakanakaj

Sanse kej amo ueli tiitstokej aijtik, nojkia amo ueli timoyakanakaj toselti.

“Se tlakatl axiaxka iyolis, niyon axyajaya tlen kinauatis tlen panos ipan iojui” (JEREMÍAS 10:23).

ToTeotsij amo kineki ma titlaijiyouikaj

Tlen techtlajtolmaka techpaleuia amo ma tijpiakaj kuesoli.

“Nelia kuali eltoskia intla inkichijtoskiaj tlen kiijtoua notlanauatiljuaj, pampa keja nopa inkipiaskiaj tlaseuilistli tlen ajachika uala keja se yejyektsi atemitl tlen axkema uaki uan nojkia ajachika inkichijtiualaskiaj tlamantli tlen xitlauak uan nopa tlamantli tlen kuali inkichiuaskiaj axtlamiskia” (ISAÍAS 48:18).

^ párr. 17 Kema ipan Biblia kitekiuia nopa tlajtoli tlajtlakoli amo san kineki kiijtos kema se maseuali kichiua tlen amo kuali. Nojkia kitekiuia nopa tlajtoli kema kiijtoua amo tixitlauakej pampa Adán uan Eva techpanoltilijkej tlajtlakoli.