Ir al contenido

Ir al índice

Tlen Biblia kinankilia

Tlen Biblia kinankilia

¿Uelis tekichiuas san se tlanauatijketl ipan nochi Tlaltipaktli?

¿Kenijkatsa se tlanauatijketl uelis kichiuas ma itstokaj sansejko maseualmej tlen nochi altepemej? (ISAÍAS 32:1, 17; 54:13)

Ximoiljui kenijkatsa techpaleuiskia. Miakej tlaijiyouiaj pampa amo kipiaj tomij uan san se keskij kena kipiaj miak. Tlaj se tlanauatijketl kitekipachoskia tlen techpoloua techmakaskia nochi. ¿Timoiljuia se maseuali ueliskia kichiuas nopa? (Xijpoua Jeremías 10:23.)

Tlanauatianij kinyolkokojtokej maseualmej ika miak tlamantli, uan tlauel katli amo kipiaj tomij. Uan sekij techiuiliaj tlen tlauel amo kuali (Ecl. 4:1; 8:9). ToTeotsij kiijtoua kichiuas se tlanauatijketl ma kintekipatla nochi tekichiuanij, katli kena kinmokuitlauis nochi. (Xijpoua Isaías 11:4 uan Daniel 2:44.)

¿Tlake kichiuas toTeotsij iTlanauatijkayo?

Jehová kitlalijtok iKone Jesucristo ma tekichiua. Ya kinamiki tekichiuas (Luc. 1:31-33). Kema itstoya ipan Tlaltipaktli kitekipachok tlen kinpanoyaya maseualmej, uan pampa nama Tlanauatijketl, kichiuas ma mosentikapaleuikaj uan ayokmo ma tlaijiyouikaj. (Xijpoua Salmo 72:8, 12-14.)

¿Nochi kinekij ma tekichiua Jesús? Amo, yeka Jehová kinnextilijtok kipia iyolo (2 Ped. 3:9). Ya kinchixtok ma kinekikaj ma kinnauati Jesús pampa nechka kintsontlamiltis tlen amo kualmej, kichiuas nochi kuali ma tiitstokaj uan ika tlayolseuilistli. (Xijpoua Miqueas 4:3 uan 4.)