Ir al contenido

Ir al índice

 KEJ TIMONEJNEMILTIAJ

¿Tijtekiuia tarjetas de contacto tlen ika titetlaneuij ma kalakikaj ipan jw.org?

¿Tijtekiuia tarjetas de contacto tlen ika titetlaneuij ma kalakikaj ipan jw.org?

Tlauel moneki ma titlajtolmoyauakaj pampa nechka mochiuas nopa ueyi tlaijiyouilistli (Pr 24:11, 12, 20). Uelis tikinpaleuisej maseualmej tlaj tikinmakasej nopa tarjetas de contacto. Ipan nopa tarjeta uelis kitlachilisej kanke titlamachtiaj ipan Internet uan uelis kipouasej Biblia. Nopa tarjetas kipixtok se código tlen ika uelis kiitasej nopa video ¿Kenke moneki timomachtis Biblia?, uan nojkia kiijtoua tlake uelis kichiuas se akajya tlaj kineki kimatis sekinok tlamantli o momachtis Biblia. Maske sekij maseualmej amo kinekij kiselisej amatlajkuiloli, kena kinekij kitlachilisej tlen eltok ipan jw.org, inijuantij uelis tikinmakasej se tarjeta. Katli amo kinekij techtlakakilisej, amo tikinmakasej nopa tarjetas.

Kampa ueli kampa tiitstosej uelis titemajmakasej nopa tarjetas, uelis tikijtosej: “Nijneki nimitsmakas ni tarjeta. Nikaj kiijtoua kanke uelis tikitas ipan Internet miak tlamachtili uan videos tlen techpaleuia ipan tonemilis” (Jn 4:7). Nopa tarjetas amo uejueyi, yeka nochipa uelis tijnemiltisej se keski uan kiampa tikinmakasej maseualmej kampa ueli.