8:1-4; 9:7

Cristo itokilijkauaj uelis kitekipanosej Jehová ipan miak tlamantli: se) ‘kinualikaskiaj nochi tlakamej kampa ya para ma moyoltlalikaj iuaya’, o tlajtolmoyauaskiaj uan kinmachtiskiaj sekinok, uan ome) kinpaleuiskiaj “itlakauaj toTeko tlen tlaijiyouiaj”, ni eli kema kinpaleuiskiaj toikniuaj katli kinpano se tlamantli uan tlaijiyouiaj (2Co 5:18-20; 8:4). Kema tikinpaleuiaj toikniuaj tijnextiaj senkistok titlatekipanouaj. Uan, ¿tlake pano kema tijchiuaj ni tlamantli?

• Tikinmakaj toikniuaj tlen kinpoloua (2Co 9:12).

• Tikinpaleuiaj nojua ma tlaneltokakaj uan senkistok ma tlatekipanokaj, kej kema tlajtolmoyauaj, pampa kema kichiuaj ni tlamantli kinextiaj kitlaskamatiliaj Jehová (2Co 9:12).

• Kiueyichiuaj Jehová (2Co 9:13). Pampa kema tikinpaleuiaj toikniuaj katli kintlasojsoljuilik se tlamantli, kichiua maseualmej katli techkualankaitaj ma kimatikaj tlen titlamachtiaj.