Ir al contenido

Ir al índice

 KEJ TIMONEJNEMILTIAJ

Ma tikinnextilikaj videos katli tikinmachtiaj ika Biblia

Ma tikinnextilikaj videos katli tikinmachtiaj ika Biblia

Kema tijtlachiliaj se tlaixkopinkayotl techpaleuia ma tijkuamachilikaj se tlamantli, ma asi ipan toyolo uan ma tikilnamiktokaj tlen tijtlachilijkej. Jehová kitekiuik miak tlamantli tlen ika kinpaleuik sekinok (Gé 15:5; Jer 18:1-6). Jesús, katli eliyaya se kuali tlamachtijketl, nojkia kitekiuik (Mt 18:2-6; 22:19-21). Ipan ni tonali nopa videos tlauel techpaleuia. ¿Tijtekiuiaj kema titlamachtiaj ika Biblia?

Nama tijpiaj 10 videos tlen ika uelis tikixtomasej nopa pilamochtsi ¡ToTeotsij techmaka kuali tlamachtili! Kemantika inintoka se keski videos eli sanse ika se tlajtlanili tlen nopa pilamochtsi. Ni pilamochtsi Kuali tlamachtili tlen nesi ipan jw.org kipia se keski tlamantli katli techilnamikilia kema uelis tijtlachilisej se video tlen se tlamachtili. Nojkia onka sekinok videos tlen uelis tijtekiuisej ipan sejse amatlajkuiloli tlen tlauel tijtekiuiaj kema titlamachtiaj.

Katli tijmachtia, ¿ouij kikuamachilia se tlamachtili o kipia se kuesoli? Xijtemo se video tlen uelis kipaleuis ipan jw.org® o ipan JW Broadcasting®. Uelis sansejko inkiitasej uan inkiixtomasej.

Sejse metstli kisa se yankuik video. Kema tikitas, ximoiljui kenijkatsa uelis tijtekiuis kema titlamachtis.