Tlaj timochiuas precursor regular tijpias miak tlateochiualistli (Pr 10:22).

TLAJ TIMOCHIUAS PRECURSOR:

  • Kuali titlajtolmoyauas uan mitspaktis tijchiuas.

  • Kuali timouikas iuaya Jehová pampa kema titlajtolmoyauas uan tikiniljuis maseualmej ajkia toTeotsij, mitspaleuis xikilnamikto nopa kuajkuali tlamantli tlen ya kinextia.

  • Kuali tijyolmatis pampa tijnextis tlauel tijpatiita tijtekipanos toTeotsij uan tlauel tiyolpakis pampa tikinpaleuia sekinok (Mt 6:33; Hch 20:35).

  • Uelis tias ipan nopa tlanechikoli tlen kichiua toikni katli techpaxaloua chijchikuasej metstli, ipan tlanechikoli tlen mochiua kema nechka mochiuas ueyi tlanechikolistli tlen se tonali uan Kampa kinmachtiaj precursores.

  • Uelis tikiniljuis miakej tlaj kinekij momachtisej Biblia uan uelis tikinmachtis.

  • Tlauel titlajtolmoyauas ininuaya toikniuaj uan uelis inmoyolchikauasej (Ro 1:11, 12).