Tlauel kuali tlaj tijchiuasej kej Isaías kichijki. Ya kinextik kuali tlaneltokayaya uan kinejki kichiuas nochi tlen toTeotsij kinauatiskia maske amo kimatiyaya nochi tlen kichiuaskia (Isa 6:8). ¿Nojkia ueliskia tias ininuaya mochampoyouaj intlatekipanotij kampa moneki tlajtolmoyauanij? (Sl 110:3). Kinamiki achtoui kuali timoiljuisej tlaj kena uelis titlatekipanotij sejkoyok (Lu 14:27, TNM, 28). Tlaj tijnekij titlajtolmoyauatij sejkoyok, kemantika monekis tijkauasej se keski tlamantli uan tijchiuasej tlen amo timomajtoyaj tijchiuaj (Mt 8:20; Mr 10:28-30). Maske tijkauaj se keski tlamantli kema titlatekipanouaj sejkoyok, nopa video Titlatekipanotoj kampa moneki tlajtolmoyauanij, kinextia Jehová tlauel techteochiuas.

ACHTOUI XIKITA NOPA VIDEO, UAN TEIPA XIJNANKILI NI TLAJTLANILI:

  • ¿Tlake monejki kichiuasej toikniuaj Williams kema moiljuijkej tlatekipanotij Ecuador?

  • ¿Kenijkatsa kitlapejpenijkej kanke tlatekipanotij?

  • ¿Kenijkatsa kinteochijtok toTeotsij?

  • Tlaj tijnekij titlatekipanotij kampa moneki tlajtolmoyauanij, ¿tlake amatlajkuiloli techpaleuis?

KEMA TIMOMACHTIS ININUAYA MOCHAMPOYOUAJ, XIJNANKILIKAJ NI TLAJTLANILI:

  • ¿Tlake uelis tijchiuasej uan kiampa nojua tlauel titlajtolmoyauasej? (km-S 8/11 iamayo 4-6).

  • Tlaj amo tiuelij titlatekipanotij sejkanok, ¿kenijkatsa uelis titlapaleuisej ipan totlanechikol? (w16.03-S iamayo 23-25).