Ir al contenido

Ir al índice

 KEJ TIMONEJNEMILTIAJ

Telpokatl, xijchiua kampeka ‘tijchiuas nochi tlamantli tlen kualiʼ

Telpokatl, xijchiua kampeka ‘tijchiuas nochi tlamantli tlen kualiʼ

Ipan nopa amatlajkuiloli tlen Pablo kitlajkuiljuilik Tito, kiiljuik ya uan nochi telpokamej monekiyayaj kichiuasej kampeka ‘kichiuasej tlen kuali’ ipan nochi tlamantli (Tit 2:6, 7). Teipa, kiijtok ‘toTeko kinyolpajpakaskia’ uan kiampa kichiuaskiaj “nochi tlamantli tlen kuali” ika pakilistli (Tit 2:14). Se “tlamantli tlen kuali” eli titlajtolmoyauasej uan tikinmachtisej sekinok tlen toTeotsij iTlanauatijkayo. Telpokatl, ¿uelis titlatekipanos kej precursor auxiliar o regular uan kiampa tijtekiuis nopa chikaualistli tlen tijpia? (Pr 20:29).

Tlaj tijneki titlatekipanos kej precursor, kuali ximoiljui tlake tlamantli uelis tijchiuas uan kiampa titlatekipanos (Lu 14:28-30). Ximoiljui: “¿Ipan tlake nitekitis kema nielis precursor? ¿Tlake nijchiuas uan kiampa nikaxitis nopa horas ipan se metstli?”. Xikiljui Jehová tlake mitspano (Sl 37:5). Xikiniljui tlen timoiljuijtok tijchiuas motatauaj uan precursores tlen ya uejkajtokej tlatekipanojtokej. Uan teipa xijchiua kampeka tijchijtias nopa tlamantli tlen timoiljuijtok. Uelis timotemachis Jehová mitspaleuis pampa tijchiua kampeka tijtekipanos.

ACHTOUI XIKITA NOPA VIDEO TELPOKAMEJ KATLI KIUEYICHIUAJ JEHOVÁ, UAN TEIPA XIJNANKILI NI TLAJTLANILI:

  • ¿Tlake kiixnamijkej se keskij toikniuaj kema ayamo eliyayaj precursores uan tlake kichijkej?

  • ¿Tlake uelis kichiuasej tetajmej uan kiampa ininkoneuaj tlatekipanosej kej precursores?

  • ¿Kenke moneki tijmatis kema titlajtolmoyauas?

  • ¿Tlake uelis kichiuasej toikniuaj uan kiampa kinpaleuisej uan kinyolchikauasej precursores?

  • ¿Tlake tlateochiualistli kiseliaj precursores?

¿Tlake uelis nijchiuas uan kiampa nitlatekipanos kej precursor?