Ir al contenido

Ir al índice

 KUALI MA TITLAMACHTIKAJ

Xikintsontlamiltikaj nochi teotsitsij tlen inkipiaj

Xikintsontlamiltikaj nochi teotsitsij tlen inkipiaj

Maske ayamo eltoya se tlanauatili kampa kiijtouayaya amo monekiyaya kinueyichiuasej teotsitsij, Jacob kimatiyaya san Jehová kinamiki tijueyichiuasej (Éx 20:3-5). Yeka, kema Jehová kiiljuik Jacob ma tlakuepili ipan altepetl Betel, Jacob kiniljuik ichampoyouaj uan katli yauiyayaj iuaya ma kitsontlamiltikaj nochi teotsitsij. Jacob kintlalpachok nopa teotsitsij uan nopa pipiloli tlen uelis kitekiuiyayaj kej amuletos (Gé 35:1-4). Jehová kipaktik tlen Jacob kichijki.

¿Kenijkatsa uelis tijnextisej san Jehová tijueyichiuaj? Moneki tijchiuasej kampeka amo tijpiasej yon se tlamantli tlen kitekiuiaj tetlajchiuianij, tlen ika tlaueyichiuaj o sekinok tlamantli tlen kitekiuiaj amo kuali ajakamej. Nopa kiijtosneki moneki tijtsontlamiltisej tlamantli tlen kitekiuiaj amo kuali ajakamej uan tetlajchiuiaj, nojkia moneki kuali tikitasej ika tlake timoyolpakiltiaj. Ma timotlajtlanikaj: “¿Nijpoua amochtli o nijmauisoua películas kampa nesij vampiros, zombis o sekinok tlamantli tlen amo kuali ajakamej kichiuaj? ¿Nechpaktia nijtlachilis kampa nesi amo kenijki tlaj se akajya tetlajchiuia o kitekiuia magia?”. Moneki tijkualankaitasej tlen Jehová kikualankaita (Sl 97:10).

ACHTOUI XIKITA NOPA VIDEO AMO XIJKAUA SATANÁS MA MITSTLANI, UAN TEIPA XIJNANKILI NI TLAJTLANILI:

  • ¿Tlake kipanoyaya Palesa, se siuatl katli kimachtiyayaj ika Biblia?

  • ¿Kenke moneki tikiniljuisej ueuejtlakamej ma techpaleuikaj tlaj amo kuali ajakamej techmajmatiaj?

  • “Ximoketsakaj keja intemachmej iixpa Axkualtlakatl uan [...] ximonechkauikaj kampa toTeko” (Snt 4:7, 8).

    Tlaj tijnekij Jehová ma techpaleui, ¿tlake amo moneki tijpiasej?

  • ¿Tlake kichijki Palesa?

  • Kampa tiitstok, ¿kenijkatsa uelis timomokuitlauis tlen amo kuali ajakamej?