“Nochi mokuesol xijkaua imako TOTEKO uan yajaya mitsmakas temachili. TOTEKO axkikauas ma uetsi se tlen kitlepanita”.

Salmo 55:​22

“Aki achtoui moiljuia ika miak cuidado kejatsa kichiuas se tlamantli kipantis para kisas kuali iteki uan yajaya moricojchiuas. Pero nopa tlakatl tlen momajkaua nimantsi uan kej ueli kichiuas se tekitl axkikualtilis uan yajaya mochiuas se teikneltsi”.

Proverbios 21:5

“Amo ximajmauikaj pampa na niitstok inmouaya. Amo ximokuesokaj pampa na niinmoTeko. Niinmechfuerzajmakas. Niinmechpaleuis uan niinmechmaitskitos ika nonejmatl tlen ika nitlatlani”.

Isaías 41:​10

“¿Ajkia tlen inmojuantij, tlaj motekipachoua uelis kichiuas nojua ma uejkaua se kentsi inemilis?”.

Mateo 6:​27

“Uajka amo kema ximotekipachokaj ika tlen panos mostla, pampa ika ualmostla nojkia onkas tekipacholi. Yeka, san ximoiljuikaj ipan kuesoli tlen inkipiaj ipan ni tonali”.

Mateo 6:​34

 “Xikitakaj tlake tlamantli eli más ipati”.

Filipenses 1:​10

“Amo ximotekipachokaj ika yon se tlamantli. Más kuali, kema inmechpano tlen ueli tlamantli, ximomaijtokaj, chikauak xijtlajtlanikaj Dios uan xijtlaskamatilikaj, uan kiampa uelis inkiiljuisej nochi tlen inkinekij ma inmechmaka, uan nopa tlaseuilistli tlen Dios temaka, tlen yon se maseuali amo kema kikuamachilis, kiyaualtsakuas inmoyolo uan inmotlalnamikilis ika Cristo Jesús”.

Filipenses 4:​6, 7