Skip to content

Vuno Vakaleho va Yehova va Pua Vakua Kilistu ni?

Vuno Vakaleho va Yehova va Pua Vakua Kilistu ni?

Eyo. Tua pua Vakua Kilistu omo lia vuno vusunga vu na hatako:

  • Tue ku seteka ku kava vilongesa na vilinga via Yesu Kilistu.—1 Petulu 2:21.

  • Tua tsiliela ngecize Yesu ikeye njila ya ku ovoka, muomu “muintsi lia lilu ka muesi lizina lieka, lia ku hana ha kati ka vantu, li tua pande ku ovoka nalio.”—Vilinga 4:12.

  • Vantu mu ve ku pua vakaleho va Yehova, ve ku va mbatiza mu lizina lia Yesu.—Mateo 28:18, 19.

  • Tue ku vundila ku hitila mu lizina lia Yesu.—Yoano 15:16.

  • Tua tsileila ngecize Yesu ikeye ua pua Mutue ni nguetu ikeye ua kala na mpoko hali yala uose.—1 Kolintu 11:3.

Tua liseza na vivunga via malombelo vie ku litumbula Vakua Kilistu mu vinjila via vingi. Ca ku muenako, tua tsiliela ngecize Mbimbiliya ye ku longesa nguayo Yesu ua pua Muana Njambi, ka puile mutamba ua mu citatu mu umo lika. (Mako 12:29) Cikuavo naua, tua tsiliela ngecize muono ue ku-tsa, kaha Mbimbiliya ka ya handekele ngecize Njambi ue ku yandesa vantu mu tuhia tua miaka yose, ni vaze ve ku tuamenena vipanga via vulombelo va pandele ku kala na mazina a vukama ku hiana vakuavo.—Ekelesiaste 9:5; Ezekiele 18:4; Mateo 23:8-10.