Skip to content

Vika via pua Cilongesa ca Mbimbiliya?

Vika via pua Cilongesa ca Mbimbiliya?

Vakaleho va Yehova ve ku hana vilongesa via Mbimbiliya via kumbulula vihula ngeci muevi:

  • Njambi iya?

  • Vuno Njambi ua nji haka seho mpundu ni?

  • Vati nji hasa ku kaniamesa vulo vuange?

  • Vati nji hasa ku uana ndzolela mu muono?

Kuintsi mu ka uana vikumbululo via vihula vi ve ku linga cikuma vantu ku tuala ha cilongesa ca Mbimbiliya.

Viuma vika mue ku longesa? Tue ku longesa vimpande via handeka hali “Njambi” ni “vulo” na ku hilula vinimbu via Mbimbiliya via ku liseza-seza via litombola na vimpande viaco. Mu tue ku hilula vinimbu viaco, tue ku mona vi ya handeka mpundu Mbimbiliya ku tuala ha vimpande viaco, kaha mu njila eyi tue ku tavesa Mbimbiliya ku handeka ikeyo ivene.

Mu ku tu kuasa ku lilongesa Mbimbiliya, tue ku pangesa livulu Vika Mpundu i Longesa Mbimbiliya? Eli livulu lia kala naua na vimpande vikuavo vi ya handeka mpundu Mbimbiliya ku tuala hali Njambi na Yesu, kaha na viuma vi ka lingika ku lutue.

Cingahi ve ku fuetela cilongesa ca Mbimbiliya? Ca pua ca vuana, ka mu ka fueta cipue mikanda ya ku lilongesa nayo.

Ku lilongesa Mbimbiliya ce ku ambata ntsimbu ingahi? Cingi ca vantu ve ku sezako ola imo nkala simano mu ku lilongesa netu Mbimbiliya. Vunoni tue ku linga cilongesa ku liya na ntsimbu ya na hangula muntu.

Vati mu ka linga nga nji vundila cilongesa ca Mbimbiliya? Nga mu vundila cilongesa ca Mbimbiliya, umo Mukaleho ua Yehova a keza mu ku handeka nenu ku ntsimbu na cihela ci mu hangala enu vavene. A ka pangesa imo ntsimbu yenu mu ku mi lekesa vati tue ku linga cilongesa ca Mbimbiliya. Kaha nga ci ka mi ya ku mutima, mu hasa ku tualelelaho.

Nga nji tava ku lilongesa Mbimbiliya, vuno nja pande ku pua Mukaleho ua Yehova ni? Houe. Vakaleho va Yehova ve ku longesa vantu vusunga vua mu Mbimbiliya, vunoni ka tue ku va sindiya ku pua vakua vulombelo vuetu. Kaha na kasingimiko, tue ku longesa vi ya handeka Mbimbiliya muomu tu tantekeya ngecize muntu uose ua kala na mpoko ya ku hangula viuma via na pande ku tsiliela.—1 Petulu 3:15.