Skip to content

Skip to table of contents

 COVECIMPANDE CA HELU | NGA TU TSISA MUNTU U TUA LEMA

Ku Linienga ca Pua Vuhenge Ni?

Ku Linienga ca Pua Vuhenge Ni?

Mua hita laza mu vuvezi vua kama ntsimbu imo ni? Citava halumo mua kangukile vuasi-vuasi kaha mua suvako. Vunoni vusiua kati ngoco. Ndotolo Alan Wolfelt ua sonekele mu livulu limo ngueni: “Ka kuesi cuma ca hiana vusiua, muomu ka vue ku hita.” Kaha ua sonekele naua ngueni, “mu ku hita ca miaka na vukuasi vua vakuenu vusiua vu hasa ku tepuluka.”

Ca ku muenako, aci singaniekenu vati ua lingile Avilahama mua tsisile mpueyeni. Mbimbiliya nguayo “Avilahama uezile mu ku liniengaye Sala, na ku mu lila.” Vusiua vua Avilahama vua ambatele matangua a engi. * Lungano lukuavo lua Yakomba, vana veni va mu kuisile nguavo muaneni Yosefe va na mu tsihi ku kasitu. Ua liniengele muaneni “matangua a engi,” na umo uahi mu vusoko ua hasele ku mu lembezieka. Mu nima ya miaka ya yingi ku-tsa ca Yosefe kasi ca mu vavalele cikuma.​—Njenisisi 23:2; 37:34, 35; 42:36; 45:28.

Avilahama ua lilile Ku-tsa ca mpueyeni Sala.

Na lelo lino, vose ve ku tsisa muntu u va lema kasi ve ku hitamo. Aci talenu malungano a na hatako.

  • “Yaliange Robert, ua tsile lia 9 ya Julho ya 2008. Litangua lia tsile ku mponde ya likalu lia pua vene ngue nkala litangua. Mu nima ya ku liaula ngue mutua kele na ku linga matangua ose, tua litsuembele na ku livumbatela na ku lileka ʻNja ku lema.ʼ Vuno mua hita miaka 6 kasi nje ku ivua ku vavala ha mutima. Ka njesi na vusunga nguange tangua vusiua vua Robert vu ka nji hua.”​—Gail ua miaka 60.

  • “Vutuhu mua hiti miaka 18 ca ku hona mpueyange kasi nje ku liniengaye na vusiua. Mu nje ku mona viuma via cili, nje ku mu vuluka, kaha nje ku singanieka vika ue ku handekele nga neni kua kele.”​—Etienne, ua miaka 84.

Mua vusunga, ku linienga na vusiua ce ku isuala cikuma fumeko. Muntu ku muntu ua kala na cifua ceni ca ku linienga, kati ca cili, ku paya cifua ce ku liniengelamo muntu nga kua soloka vukalu. Kaha naua ka tua pandele ku lipaya nga tu mona ngue cifua ci tue ku liniengelamo kati ca cili. Vati tu hasa ku lua na vusiua?

^ cin. 4 Isake muana Avilahama neni ua liniengele ntsimbu ya kama. Ngue mu va muesa mu livulu “Imite A sua Fé” (“Imitate Their Faith”) ha cimpande ca handeka via Isake. Kasi ua liniengele ku-tsa kua naye, Sala, cipue mu nima ya miaka itatu fume ha ku tsa ceni.​—Njenisisi 24:67.