Skip to content

Skip to table of contents

 KU YOYA CETU VAKUA KILISTU

Pangesenu Vivideo mu ku Longesa Vandongesi Venu va Mbimbiliya

Pangesenu Vivideo mu ku Longesa Vandongesi Venu va Mbimbiliya

Vikupulo na vimueso vie ku kuasa muntu a li na ku vi tala evuisise na ku vuluka via lilongesele. Mulongisi uetu ua ku Hiana Yehova, neni ua vi pangesele mu ku longesa vilongesa via seho ya kama. (Njen. 15:5; Yele. 18:1-6) Yesu neni mu ku pua Mulongisi ua Kama neni ua pangesele vimueso mu ku longesa. (Mat. 18:2-6; 22:19-21) Njila imo ya ku mueselamo vikupulo mu ku tu kuasa ku longesa ya pua vivideo. Vuno mue ku pangesa vuino vivideo mu ku longesa vandongesi venu ni?

Va na viukisa laza vivideo via ku pua likumi mu ku tu kuasa ku longesa navio mukanda Muzimbu ua Cili u Fuma Kuli Njambi! Mutue ua nkala video ua litombola na cimo ca vihula vi va zivalesa vi li mu mukanda uaco. Kaha nga muntu a pangesa fone ni tablet, mu mukanda uaco a ka uanamo vilink vie ku vuluisa ntsimbu i tua pande ku pangesa nkala video. Cikuavo naua, kua kala vivideo vikuavo via likuata na mikanda ya yingi i tu hasa ku uana mu mikanda ya mu Vikuata vi tue ku Longesa Navio.

Mu li na ku lilongesa cimo cimpande ci hasa ku kaluuila ndongesi yenu ku ci ivuisisa ni? Vuno ndongesi yenu a li na ku lua na cimo cisoti, ni? Linga mu uane muzimbu u hasa ku mu kuasa, tondesesenu mu vivideo via mu jw.org® na JW Broadcasting®. Citava mu tale imo ya vivideo hamo lika na ndongesi yenu kaha na ku simutuilaho.

Ngonde ku ngonde, kue ku tuhuka vivideo via viha. Omo mu tala vivideo viaco, singaniekenu vati mu hasa ku vi pangesa mu ku longesa vakuenu.