Skip to content

Skip to table of contents

 KU YOYA CETU VAKUA KILISTU

Ivuilila Njambi—Mua ku u Pangesela

Ivuilila Njambi—Mua ku u Pangesela

Mukanda Ivuilila Njambi va u pangela ku longesa vusunga vua Mbimbiliya mu cifua ca vifikula kuli vaze va kala na vitanga via ku tanda. Mafo a nkala cilongesa a kala na vitantekeyeso via muesa mu via likavela vifukula viaco.

Mukanda Ivuilila Njambi u ka Yoye Miaka Yose, nauo ua kala na vifikula vimo lika ngeci mua Ivuilila Njambi, vunoni ua kala na masona a engi, kaha citava ku lilongesauo na ndongesi a lilongesa ku tanda. Vakua ku ambulula ve ku pangesa mukanda uaco nga ndongesi yavo ali na ku pangesa Ivuilila Njambi. Cingi ca mafo a kala na vikasa via kala na mizimbu ya ku vuezako ize citava ku i simutuila ku liya na ku ivuisisa na ndongesi.

Mu hasa ku hana mikanda yaco ntsimbu yose oyo, cipue nga ka yesi ha mikanda ya ku hana mu ngonde. Nga mu endesa cilongesa ca Mbimbiliya, pangesenu vifikula mu ku lombolola vilongesa via Mbimbiliya. Lingenu vihula kuli ndongesi linga mu mone nga nevuisisa vuino vilongesa. Tandenu na ku simutuila ha mikanda ya mu Mbimbiliya ili ha nkala lifo. Mu nima ya ku manesa ku lilongesa mukanda uaco, lilongesenu Vika Mpundu vi i Longesa Mbimbiliya? ni Vika vi i Hasa ku tu Longesa Mbimbiliya? linga mu kuase ndongesi yeni a ka hete ha ku mu mbatiza.