Skip to content

Skip to table of contents

 KU YOYA CETU VAKUA KILISTU

“Tualelenuho ku Liviukisila Kuno ku Ntsongo ya ‘Matangua a ku Kotokela’”

“Tualelenuho ku Liviukisila Kuno ku Ntsongo ya ‘Matangua a ku Kotokela’”

Omo tu tualelelaho ku kolesa ku ntsongo ya ‘matangua ano a ku kotokela,’ tua lavelela ngecize tuyando tu ka tualelelaho ku livuezelela. (2 Tim. 3:1; nwtsty nota de estudo ku Mat. 24:8) Nga kua soloka viyovo via mavu, vintsimbu via vingi vangamba va Yehova ve ku tambula vimamuna ha ntsimbu yaco vize vie ku ohiela miono yavo. Ngeci mukemuo, ku ovoka cetu ci kemana ha ku ononoka mu ku liviukisila mu ntsimbu ino mu lutsilielo na ku muvila.—Luka 16:10.

  • Liviukisilenu mu Lutsilielo: Kalenu na cizilila ca ku tanda Mbimbiliya na ku lilongesa mu vulika. Lilongesenu ku ambulula mu vifua via ku liseza-seza. Kati mu uile mu liova nga va na mi tepe na vakuenu mu cikungulukilo mu kamo kantsimbu. (Isa. 30:15) Ka muesi lika lienu na limo litanga liahi, muomu Yehova na Yesu vali nenu.—od 176 ¶15-17

  • Liviukisilenu ku muvila: Mu ku vueza ku kacipete, nkala ndzivo va na pande ku tulikako tu via kulia, mema, vihemba, kaha na tuviuma tukuavo tuze tu hasa ku ka tondeka nga va mi nunguluila kumo ku cihela mu imo ntsimbu.—Visi. 22:3; g17.5 46

TALENU VIDEO VUNO MUA LIVIUKISILA KU VIYOVO VIA MAVU NI? KAHA KUMBULULENU VIHULA VI NA HATAKO:

  • Vati ku kala na vusamba vua cili na Yehova ci ka tu kuasa nga ku soloka viyovo?

  • Seho ika ya kala ha . . .

    • ku kala na cizilila ca ku simutuila na vakuluntu ntsimbu kanda viyovo vi tu uane ni mu nima yaco?

    • ku kala na kacipete ka viuma vi tondeka?

    • ku simutuila via viyovo halumo vi hasa ku soloka na vika tu hasa ku linga?

  • Mu vinjila vika vitatu tu hasa ku kuaselemo vakuetu va na hiti mu viyovo?

LIHULENU NGUENU, ‘Ku tuala ha musongo ua COVID-19, vika nji hasa ku lilongesa ku tuala ha ku liviukisila?’