Skip to content

Skip to table of contents

 KU YOYA CETU VAKUA KILISTU

Ku Sungamesa ya pua Njila ye ku Mueselamo Yehova Cilemo

Ku Sungamesa ya pua Njila ye ku Mueselamo Yehova Cilemo

Ku sungamesa ca lomboloka ku mamuna na ku longesa, vunoni ca ambatesela kumo na ku hana kasitiku. Kaha Yehova ue ku tu sungamesa linga tu mu lemese mu njila ya tonda ikeye. (Loma 12:1; VaHe. 12:10, 11) Vintsimbu vimo, nga va tu sungamesa ce ku tu vavala, vunoni ce ku tu kuasa ku linga via vuoloke na ku tu hana vivezikiso. (Visi. 10:7) Vika va na pande ku vuluka vakua ku sungamesa kaha na vaze va ve ku sungamesa?

Vakua ku sungamesa. Vakuluntu, visemi, na vakuavo ve ku lihakela kapandi ka ku sungamesa na ngozi kaha na cilemo ngue mue ku linga Yehova. (Yele. 46:28) Ambe nga ku sungamesa caco ca kama, va na pande ku ci hana kuliya na viuma vi tondeka kaha na cilemo.—Tito 1:13.

Vaze va ve ku sungamesa. Ka tua pandele ku viana ku sungamesa omo lia cifua ci va na tu sungameselamo, vunoni tua pande ku ci ononoka vuasi-vuasi. (Visi. 3:11, 12) Mu ku pua vantu va ku hona ku tantuluka, tu vose tua tondeka ku tu sungamesa, kaha ce ku izilila mu vinjila via ku liseza-seza. Ve ku tu sungamesa ku hitila mu viuma vi tue ku tanda mu Mbimbiliya ni vi tue ku halakana ku viuano. Cikuavo naua, vamo ve ku tondeka ku va sungamesa ku ndzango ya vakua ku sompesa mu cikungulukilo. Ngeci mukemuo, nga tu tava ku tu sungamesa tu ka yoya muono ua cili na ku ka tambula muono ua ya-ye ku lutue.—Visi. 10:17.

TALENU VIDEO ‘YEHOVA UE KU SUNGAMESA VAZE VA A LEMA,’ KAHA KUMBULULENU VIHULA VI NA HATAKO:

  • Vati ua fuile muono ua vaKanon, kaha vati ua alulukile?

  • Vati Yehova ua va sungamesele na cilemo?

  • Lihakelenu kapandi ka ku lema ku sungamesa ca Yehova

    Vika tua lilongesa ku muzimbu uavo?