Skip to content

Skip to table of contents

 KU YOYA CETU VAKUA KILISTU

Muesenu Cilemo mu Vusoko

Muesenu Cilemo mu Vusoko

Cilemo ca pua tuondzi tue ku kuta kumolika vusoko. Muomu nga cilemo cahi, ci kaluuila vusoko ku tualelelaho ku likuata kumo na ku pangela hamo lika. Vati vamala, vampuevo kaha na visemi va hasa ku muesa cilemo mu vusoko?

Yala ua cilemo ue ku haka seho ku vinguli via mpueyeni, mue ku livuilamo kaha na viuma via tondeka. (Efe. 5:28, 29) Ue ku hana vusoko vueni viuma via tondeka ku muvila, ku va kuasa mu lutsilielo hamo lika na ku Lemesa mu Vusoko ku sua kumo. (1 Tim. 5:8) Mpuevo ua cilemo ue ku muesa ngecize ua lema yalieni, mu ku mu ononoka na ku mu ‘singimika.’ (Efe. 5:22, 33; 1 Pet. 3:1-6) Va yala na mpuevo va na pande ku liecela umo na mukuavo na mutima uose. (Efe. 4:32) Cikuavo naua, visemi va cilemo ve ku tuala mana ku nkala muana na ku mu longesa ku lema Yehova. (Ndeu. 6:6, 7; Efe. 6:4) Visemi ve ku lihakela naua kapandi ka ku tantekeya visoti vi ve kulua navio vana vavo ku sikola na vati ve ku vula ntsindiye ya vakuavo. Nga mu vusoko ve ku limuesa cilemo umo na mukuavo, vose va kevua ciyulo na ku lembama.

TALENU VIDEO MUESENU CILEMO KA CE KU HUA MU VUSOKO VUENU, KAHA KUMBULULENU VIHULA VI NA HATAKO:

  • Vati yala ua cilemo ue ku lisa na ku haka seho mpueyeni?

  • Vati mpuevo ua cilemo ue ku muesa kasingimiko kuli yalieni?

  • Vati visemi va cilemo ve ku longesa vana vavo Lizi lia Njambi?