Skip to content

Skip to table of contents

 KU YOYA CETU VAKUA KILISTU

Lilongesenu mu Cifua Cize ci ka mi Nehela Vivezikiso

Lilongesenu mu Cifua Cize ci ka mi Nehela Vivezikiso

SEHO YA KALAHO: Ku lilongesa Lizi lia Njambi mu vulika ci hasa ku tu kuasa ku tantekeya “vuihi na mu vulahe na mu vulahe vua kuilu na mu ku lova” ca vusunga. (Efe. 3:18) Ci hasa naua ku tu kuasa ku tualelelaho ku linga via cili, ca ku hona ha ku tu payela mu mavu ano a ku vihia, kaha na ku tualelelaho ku “minikila lizi lia muono.” (Filp. 2:15, 16) Ku lilongesa Lizi lia Njambi mu vulika ci tu kuasa ku hangula vuino viuma vi tu tondeka. Vati tu hasa ku tanda na ku lilongesa Mbimbiliya mu cifua ci tu nehela vivezikiso?

VATI TU HASA KU LINGAMO:

  • Kuitenu na ku soneka amo mezi omo mu lilongesa Mbimbiliya mu vulika, cipue nga mu tableti, fone ni computadore.

  • Omo mu tanda Lizi lia Njambi, lihulenu nguenu: ‘Iya? Vika? Ntsimbu ika? Kulihi? Omo lia vika? Vati?’

  • Tondenu mizimbu ikuavo. Pangesenu vikuata via kalako mu ku tondesesa ha cimpande ni cinimbu ca mu Mbimbiliya

  • Hilulenu ha viuma vi mua tanda linga mu mone vati mu hasa ku pangesa muzimbu uaco

  • Pangesenu vi mua lilongesa mu muono uenu ua tangua na tangua.—Luka 6:47, 48.

TALENU VIDEO LILONGESENU MBIMBILIYA MU VULIKA MU KU LOVA, KAHA KUMBULULENU VIHULA VI NA HATAKO:

  • Vati vamuanetu va lombolola vivezikiso vie ku iza mu cilongesa ca mu vulika?

  • Omo lia vika tua pande ku vundila ntsimbu kanda tu putuke ku lilongesa mu vulika?

  • Vika vi hasa ku tu kuasa ku ivuisisa vuino umo muzimbu ua mu Mbimbiliya?

  • Vitantekeyeso ni vivala via cifua cika tu hasa ku pangesa mu Mbimbiliya i tue ku lilongesa?

  • Seho ika ya kala ha ku hilula nga tu lilongesa Lizi lia Njambi?

  • Vika tua pande ku linga na vize vi tu na lilongesa?

“A! nji lema lisiko liove, houe vene! Likelio ciyongola cange litangua liose.”—Visa. 119:97