Skip to content

Skip to table of contents

 KU YOYA CETU VAKUA KILISTU

Ku Vueza ku Vutongue Vuetu vua ku Ambulula—Pangesenu Vivideo mu ku Longesa

Ku Vueza ku Vutongue Vuetu vua ku Ambulula—Pangesenu Vivideo mu ku Longesa

SEHO YA KALAHO:

Vivideo vi hasa ku kuata ku mitima ya vantu, muomu vantu va lema ku tala na ku halakana. Kaha eci ce ku va kuasa ku tuala mana kuli vikevio, cikuavo naua ka ve ku vi suva. Yehova ua tu muesa lungano lua cili lua ku pangesa vimona mu ku longesa.—Vili. 10:9-16; Ku-So. 1:1.

Vivideo Vuno Njambi ua Kala na Lizina Ni?, Iya Ivene Mbimbiliya? na Vati tu Hasa ku Kala na Vusunga Nguetu Mbimbiliya ya pua ya Vusunga? va vi pangela ku vueza ku vilongesa 2 na 3 via mukanda Muzimbu ua Cili. Kaha vivideo Vika mua Pande ku Lilongesela Mbimbiliya?, Vati ve ku Endesa Cilongesa ca Mbimbiliya? na Vika vie ku Hita mu Ndzivo ya Vuangana? vie ku kolesa vantu linga va lilongese Mbimbiliya netu na ku pua na ku likungulula netu. Vimo via vivideo vietu via laha, navio citava ku vi pangesa mu ku endesa vilongesa via Mbimbiliya.—km 5/13 3.

VATI TU HASA KU LINGAMO:

  • Tupuluilenu vua lumo video i mu tonda ku ka lekesa muntu

  • Liviukisilenu cihula cimo ni vivali vi ya kumbulula video.

  • Talenu video hamo lika neni

  • Simutuilenu vintsina via kama vi mu na uanamo

SETEKENU KU LINGA EVI:

  • Lekesenu ku muntu kondiku ili ku nima ya nkala tratadu, kondiku yaco ya tuala ku video Vika mua Pande ku Lilongesela Mbimbiliya?

  • Talenu na muntu video Vati tu Hasa ku Kala na Vusunga Nguetu Mbimbiliya ya pua ya Vusunga? kaha mu hanenu mukanda Muzimbu ua Cili na ku handeka via cilongesa 3