Skip to content

Skip to table of contents

 KU YOYA CETU VAKUA KILISTU

Lihambe na Muanoko ha Katete—Mu Njila Ika?

Lihambe na Muanoko ha Katete—Mu Njila Ika?

Aci singaniekenu nga muli na ku yoyela mu Ngalileya ku matangua a Yesu. Kaha mu nayi vungendzi ku Yelusalema mu ku ka hitisa Ciuano ca Vintsingi. Mbonge yose ya sulu na vamuanoko va na tundu ku vihela via ku liseza-seza via ku lahako. Vunoni mu tonda ku hana vuana vuenu kuli Yehova. Na mpembe yenu ku livoko mu putuka ku lisita mu mbunga mu ku ya ku tembele. Omo mu hetako, mu uana kua sulu vamuanoko va neza mu ku hana vuana vuavo. Kaha ntsimbu yenu ya heteho linga mu hane mpembe yenu ku vasasendote. Vunoni ha ntsimbu yaco, mu vuluka ngecize umo muanoko ali mu mbunga ni mu mbonge, ua mi pihisila. Vati mu linga? Yesu ua tu leka vi mua pande ku linga. (Tandenu Mateo 5:24.) Vati mu hasa ku lihamba na muanoko ngue mua handekele Yesu? Hakenu citantekeyeso ha cikumbululo ca vusunga ha mezi ali kuintsi.

MUA PANDE . . .

  • ku handeka na muanoko nga mua singanieka nguenu ali na vusunga vua ku mi nienguela

  • ku seteka ku sungamesa visinganieka via muanoko nga muli na ku livua nguenu mukua matekoteko ni ku lituika mulonga mu vose

  • ku halakana vuino muanoko omo a handeka mu ali na ku livua, kaha cipue nga ka via mi lombolokele, vundilenu ku mi ecela omo lia ku vavala ca li na ku ivua ku mutima omo lia vilinga vienu

MUANOKO NA PANDE . . .

  • ku tonda vukuasi ku vamuanoko mu cikungulukilo mu ku va lekesa vi mua mu pihisila

  • ku mi tenukila, ku mi lekesa viose vi mua pihisa, kaha na ku mi tuika mulonga

  • ku mona ku likehesa na ntsintsa i mu na lingi mu ku iza mu ku handeka neni, kaha na ku mi ecela na mutima uose

Vutuhu mu ku lemesa cetu lelo ka tue ku hana vikombelo via tusitu, vika ua tu longesa Yesu ku tuala ha ku likata ca ku kala na ciyulo na vamuanetu, kaha na ku lemesa ca tava Njambi?