Skip to content

Skip to table of contents

 KU YOYA CETU VAKUA KILISTU

Vati ca Fua Cilemo ca Vusunga?

Vati ca Fua Cilemo ca Vusunga?

Yehova ua tumbika vulo ku pua lizitiko lia ku miaka yose ha kati ka yala na mpuevo. (Njen. 2:22-24) Vulo vua pande lika ku tsa nga umo ha kati kavo a linga vupangala. (Mal. 2:16; Mat. 19:9) Mu ku linga Yehova ua tonda malo a kale na ndzolela, ua hana Vakua Kilistu vitume vize vi hasa ku va kuasa ku hangula vuino muntu ua ku liambata neni linga vulo vuavo vu kale na ndzolela.—Ekel. 5:4-6.

TALENU VIDEO VATI CA FUA CILEMO CA VUSUNGA?, KAHA KUMBULULENU VIHULA VI NA HATAKO:

  • Vati ku sungamesa ci va hele vaFrancisco na vaBoni kuli muanavo Luisa ca puile ca mana kaha ca cilemo?

  • Omo lia vika ca pua vuheve ku singanieka ngecize mu hasa ku alulula muntu i muli na ku litantekeya neni?

  • Cimamuna cika vaPaulu na vaPriscilla va hele Luisa?

  • Omo lia vika mu vulo vua vaZaka na Magui muezile visoti?

  • Vizango vika via mu lutsilielo va kele navio vaJoão na Luiza?

  • Omo lia vika mua pande ku tantekeya “vuntu vua muntima” ntsimbu kanda mu linge litavasiano lia vulo na umo? (1 Pet. 3:4)

  • Vati ca fua cilemo ca vusunga? (1 Kol. 13:4-8)